अथांग समुद्र आणि गुलाबी टॉप, कन्याकुमारीत मराठी अभिनेत्रीचा हटके लुक, फोटो व्हायरल
लग्नानंतर प्रसिद्ध मराठी अभिनेत्री समुद्रकिनारी लुटतेय सुट्टीचा आनंद. गुलाबी रंगाच्या टॉपमध्ये शेअर केला खास लूक. फोटो तुफान चर्चेत.
मराठी चित्रपटसृष्टीतील लोकप्रिय आणि देखणी अभिनेत्री प्राजक्ता गायकवाड सध्या आपल्या व्यस्त कामकाजातून वेळ काढत कन्याकुमारी येथे सुट्ट्यांचा आनंद लुटत आहे.
दक्षिण भारतातील निसर्गरम्य किनाऱ्यावरून तिने शेअर केलेले फोटो सोशल मीडियावर चांगलेच चर्चेत आले आहेत. भारताच्या दक्षिण टोकावरील प्रसिद्ध पर्यटनस्थळ Kanyakumari येथील समुद्रकिनाऱ्यावर प्राजक्ता निवांत क्षण एन्जॉय करताना दिसत आहे.
अथांग समुद्र, मंद वारा आणि सुर्यास्ताच्या पार्श्वभूमीवर टिपलेले तिचे फोटो चाहत्यांचे लक्ष वेधून घेत आहेत. या फोटोंमध्ये ती पूर्णपणे रिलॅक्स मूडमध्ये दिसत आहे. या ट्रिपसाठी प्राजक्ताने अतिशय कूल आणि कॅज्युअल लूक निवडला आहे.
तिने गुलाबी रंगाचा रिब्ड टॉप परिधान केला असून त्याला पांढऱ्या रंगाच्या फुगीर बाह्यांचे आकर्षक डिझाईन आहे. या टॉपसोबत तिने गडद निळ्या रंगाची हाय-वेस्ट जीन्स घातली आहे. साध्या पण स्टायलिश पेहरावामुळे तिचे सौंदर्य अधिक खुलून आले आहे.
मोकळे केस सोडून, हलका मेकअप आणि कपाळावर छोटीशी टिकली लावून तिने आपला लूक पूर्ण केला आहे. तिच्या या नैसर्गिक आणि फ्रेश अंदाजाचे चाहत्यांकडून भरभरून कौतुक होत आहे.
