Dhurandhar : धुरंधर चित्रपटाबाबत वाईट बातमी, एकाचवेळी सहा देशांमध्ये बंदी
Dhurandhar Banned Countries : रणवीर सिंहची मुख्य भूमिका असलेला धुरंधर चित्रपट तिकीट बारीवर जबरदस्त कामगिरी करतोय. भारत-पाकिस्तान, हेरगिरी अशी या चित्रपटाची पार्श्वभूमी आहे. चांगला, जोरात हा चित्रपट चाललेला असताना एक वाईट बातमी आली आहे.
रणवीर सिंह, अक्षय खन्ना, संजय दत्त, अर्जुन रामपाल आणि माधवन जबरदस्त लाइमलाइटमध्ये आहेत. या स्टार्सचा ‘धुरंधर’ चित्रपट तिकीट बारीवर तुफान हिट ठरलाय. चित्रपटाची गाणी आणि सीन्स सोशल मीडियावर व्हायरल झाले आहेत.
धुरंधरला प्रेक्षकांचा मजबूत रिस्पॉन्स मिळतोय. म्हणूनच बॉक्स ऑफिसवर हा चित्रपट यशस्वी ठरला आहे. 5 डिसेंबरला हा चित्रपट रिलीज झाला. तेव्हापासून 6 दिवसात जगभरात या चित्रपटाने 274.25 कोटी रुपयांची ग्रॉस कमाई केली आहे.
चित्रपटाने एकट्या भारतातूनच 180.25 कोटी रुपये नेट कलेक्शन केलं आहे. वेगाने हा आकडा वाढतोय. बॉक्स ऑफिसवर हा चित्रपट आणखी गर्दी खेचणार असं दिसतय.
धुरंधर चित्रपट चर्चेत असतानाच एका वाईट बातमी सुद्धा आली आहे. या चित्रपटासंदर्भात ती आहे. धुरंधर चित्रपटावर 6 देशात बंदी घातली आहे. म्हणजे या देशांमध्ये हा चित्रपट प्रदर्शित होणार नाही. तिथल्या सिनेमागृहांमध्ये् जाऊन प्रेक्षकांना हा चित्रपट पाहता येणार नाही.
बहरीन, कुवैत, ओमान, कतर, सौदी अरेबिया आणि संयुक्त अरब अमीरात (UAE) या 6 देशांमध्ये धुरंधर चित्रपटावर बंदी आहे. बॉलिवूड हंगामानुसार या देशांमध्ये 'धुरंधर'वर बॅन आहे. धुरंधरच्या टीमने आपल्या बाजूने पूर्ण प्रयत्न केले. पण या देशात ही फिल्म रिलीज होऊ शकली नाही.
