विजय देवरकोंडासोबत लग्नबंधनात अडकताच रश्मिका मंदाना भावूक, फोटो पाहून तुम्ही…
अनेक वर्षे केलं एकमेकांना डेटिंग, एकत्र केले सुपरहिट चित्रपट. विजय देवरकोंडा समोर येताच रश्मिका मंदाना भावूक. त्या फोटोंने वेधलं सर्वाचं लक्ष.
राजस्थानातील उदयपूर येथे एका खासगी हॉटेलमध्ये अभिनेत्री रश्मिका मंदाना आणि अभिनेता विजय देवरकोंडा यांचा पारंपरिक पद्धतीने विवाहसोहळा पार पडला. या लग्नाचे फोटो आणि व्हिडिओ सोशल मीडियावर वेगाने व्हायरल होत असून चाहत्यांमध्ये उत्साहाचे वातावरण आहे.
लग्नसोहळा अत्यंत खासगी स्वरूपाचा ठेवण्यात आला होता. फक्त जवळचे नातेवाईक आणि काही मोजके पाहुण्याच्या उपस्थितीत विधी पार पडले. पारंपरिक वेशभूषेत सजलेल्या रश्मिका हळदी-कुंकवाच्या विधींपासून ते मंगलाष्टकांपर्यंत प्रत्येक क्षणात खुलून दिसत होती.
दरम्यान, उदयपूरमधील विवाहसोहळ्यानंतर 4 मार्च रोजी हैदराबाद येथे भव्य वेडिंग रिसेप्शनचे आयोजन करण्यात आले आहे. या समारंभाला मनोरंजनसृष्टीतील अनेक नामवंत कलाकार उपस्थित राहणार असल्याची माहिती समोर आली आहे. त्यामुळे या रिसेप्शनकडेही सर्वांचे लक्ष लागले आहे.
विजय देवरकोंडा हा रश्मिकाच्या आयुष्यातील महत्त्वाचे व्यक्तिमत्त्व मानले जाते. व्यावसायिक कारकिर्दीत साथ देणाऱ्या मित्रासोबतच आता तिने वैवाहिक आयुष्याची नवी सुरुवात केली आहे. या भावनिक क्षणांमुळे लग्नसोहळा आणखी खास ठरला.
रश्मिका आणि विजय यांनी यापूर्वी चित्रपटांमध्ये एकत्र काम केले असून त्यांच्या जोडीला प्रेक्षकांनी भरभरून प्रेम दिले आहे. पडद्यावरील ही जोडी खऱ्या आयुष्यातही एकत्र यावी अशी चाहत्यांची इच्छा होती. अखेर चाहत्यांची ही इच्छा पूर्ण झाल्याचे बोलले जात आहे.
