सुहागरातवर आधारित गाणं, जे 31 वर्षानंतरही आहे प्रचंड सुपरहिट, पाकिस्तानी अभिनेत्रीच्या डान्सवर फिदा झालेला संजय दत्त
31 वर्षानंतरही प्रचंड सुपरहिट आहे सुहागरातवर आधारित हे गाणं, पाकिस्तानी अभिनेत्रीचं सौंदर्य पाहून प्रभावित झालेला संजय दत्त. गाणं ऐकून सेटवरच ठुमके मारत होता.
बॉलिवूडमध्ये काही गाणी अशी आहेत जी वर्षानुवर्षे प्रेक्षकांच्या मनात कायम राहत आली आहेत. असचं एक गाणं जे 31 वर्षांपूर्वी प्रदर्शित झालेलं जे आजही चर्चेत आहे.
जय विक्रांता या चित्रपटातील ‘कोठे ऊपर कोठरी’ या गाण्याने त्या काळात प्रचंड धुमाकूळ घातला होता. विशेष म्हणजे या गाण्यात पाकिस्तानी अभिनेत्री जेबा बख्तियार हिने आपल्या जबरदस्त डान्स आणि आकर्षक एक्सप्रेशन्सने प्रेक्षकांना भुरळ घातली होती.
या गाण्यात जेबा बख्तियारसोबत संजय दत्त दिसले होते. त्या काळातील रिपोर्ट्सनुसार, शूटिंगदरम्यान जेबाच्या सौंदर्याने आणि डान्सने संजय दत्त इतके प्रभावित झाले होते की, ते स्वतःला आवरू शकले नाहीत आणि सेटवरच ठुमके मारू लागले.
90च्या दशकातील हे गाणं बोल्ड आणि चर्चेचा विषय ठरलं होतं. कारण ते सुहागरातच्या सीनवर चित्रित करण्यात आलं होतं. ‘कोठे ऊपर कोठरी...’ या गाण्याला प्रसिद्ध गायिका कविता कृष्णमूर्ती यांनी आवाज दिला होता. या गाण्याच्या लोकप्रियतेमुळे चित्रपट फ्लॉप असूनही ते प्रचंड हिट ठरले.
या चित्रपटात अमरीश पुरी यांनी खलनायकाची भूमिका साकारली होती. त्याचबरोबर जॉनी लीवर, आलोक नाथ, मुकेश खन्ना आणि दीप्ती नवल यांसारखे कलाकारही महत्त्वाच्या भूमिकांमध्ये दिसले होते.
