सासूचा काढायचा होता काटा, पण नवराच मेला, विवाहबाह्य संबंधांसाठी सूनेनं रचला भयंकर कट; सोलापूर हादरलं!
अनैतिक संबंधात अडथळा ठरणाऱ्या सासुला संपवण्यासाठी एका महिलेने मोठा कट रचला होता. परंतु यात सासूचा जीव जाण्याऐवजी नवऱ्याचाच मृत्यू झाला आहे.
अनैतिक संबंधात अडथळा ठरणाऱ्या सासूला मारण्यासाठी एका महिलेने विषप्रयोग केल्याची धक्कादायक घटना घडली आहे. या घटनेत सुदैवाने सासू वाचली असून आरोपी महिलेचा मृत्यू झाला आहे. या प्रकरणी पोलिसात गुन्हा दाखल करण्यात आला आहे.
मिळालेल्या माहितीनुसार पंढरपूर तालुक्यातील उंबरगाव येथील आरोपी महिलेचे गावातीलच एका व्यक्तीशी कथित थि अनैतिक संबंध होते. या प्रकरणाची कुणकुण सासूला लागली होती. यावरूनच सासू-सुनेचा वाद होत होता.
दरम्यान आरोपी महिलेच्या प्रियकराने तिच्याजवळ एक विषारी औषध असलेले बाटली दिली. यानंतर आरोपी महिलेने विषारी औषद सासू पाणी पिते त्या भांड्यात टाकले. अशा प्रकारे सासूला मारण्यासाठी सूनेने कट रचला. रात्री सासूने त्या भांड्यातील पाणी पिले.
मात्र चव कडू लागल्याने पाण्याचा तांब्या जेवण करत असलेल्या मुलगा समाधान जवळ ठेवला. समाधान यांनी ते पाणी पिले. यानंतर समाधान यास रात्री उलट्या होऊ लागल्या. त्यांना उपचारासाठी खासगी रुग्णालयात दाखल केले.
परंतु त्यांचा मृत्यू झाला. सासूला मारण्यासाठी सूनेने केलेल्या विष प्रयोगात स्व:च्याच नवऱ्याचा जीव गेल्याची घटना झाली. या प्रकरणी पंढरपूर ग्रामीण पोलिसांनी गुन्हा दाखल केला आहे. आरोपीला पोलिसांनी अटक केले असून चौकशी सुरू आहे.
