Ronaldo: 5 मुलं आणि 10 वर्षे प्रेम..! अखेर ख्रिस्तियानो रोनाल्डोचा लग्नास होकार, या तारखेला विवाह
Cristiano Ronaldo set to marry Georgina Rodriguez: ख्रिस्तियानो रोनाल्डो हे फुटबॉल विश्वातील मोठं नाव.. पण त्याच्या खासगी आयुष्याबाबत कायम त्याच्या चाहत्यांना उत्सुकता असते. ख्रिस्तियानो आता लग्नबंधनात अडकणार आहे. पाच मुलं झाल्यानंतर त्याने हा निर्णय घेतला.
फुटबॉल स्टार ख्रिस्तियानो रोनाल्डो आणि त्याची पार्टनर जॉर्जियन रॉड्रिग्स लग्नबंधनात अडकणार आहेत. या बातमीमुळे त्याच्या चाहत्यांमध्ये चर्चांना उधाण आलं आहे. कारण अनेकांना त्यांचं लग्न झालं असल्याचं वाटलं होतं. रिपोर्टनुसार, रोनाल्डोचा जन्म झालेल्या मादेरा या सुंदर पोर्तुगीज बेटावर हे जोडपे विवाहबंधनात अडकण्याची तयारी करत आहे.(PHOTO CREDIT- INSTAGRAM)
रोनाल्डो किंवा जॉर्जियाना या दोघांनीही लग्नाची तारीख किंवा ठिकाण अधिकृतपणे जाहीर केलेले नाही. पण मीडियामध्ये त्याच्या लग्नाची तारीख आणि ठिकाण जाहीर करण्यात आलं आहे. हे जोडपं 8 ऑगस्टला लग्न बंधनात अडकणार आहे. मादेइराची राजधानी फुनशाल येथील ऐतिहासिक फुनशाल कॅथेड्रलमध्ये लग्न गाठ बांधणार असल्याचं बोललं जात आहे. (PHOTO CREDIT- INSTAGRAM)
रोनाल्डोच्या लग्न सोहळ्यामुळे पंचतारांकित हॉटेल सवॉय पॅलेसमध्ये खास व्यवस्था करण्यात आली आहे. या कार्यक्रमामुळे दोन मजले आणि काही भाग इतरांसाठी बंद ठेवला आहे. कडक सुरक्षा आणि निर्बंध पाहता हॉटेल खास या हाय-प्रोफाईल लग्नासाठीच बुक करण्यात आल्याचं बोललं जात आहे. (PHOTO CREDIT- INSTAGRAM)
फुनशालमध्ये जन्मलेल्या आणि वाढलेल्या ख्रिस्तियानो रोनाल्डो याने फुटबॉल कारकिर्दीची सुरूवात येथूनच केली होती. त्यामुळे त्याला हे ठिकाण खूप भावतं. त्यामुळे त्याने हे ठिकाण निवडलं असल्याचं बोललं जात आहे. (PHOTO CREDIT- INSTAGRAM)
ख्रिस्तियानो रोनाल्डो आणि जॉर्जियाना रॉड्रिग्स गेल्या 10 वर्षांपासून एकत्र आहेत. या जोडप्याला पाच मुलं आहेत. ख्रिस्तियानो आणि जॉर्जिया यांची पहिली भेट 2016 मध्ये झाली होती. जॉर्जियानाने ऑगस्ट 2025 मध्ये तिच्या मोठ्या हिऱ्याच्या अंगठीचा फोटो शेअर करून त्यांच्या साखरपुड्याच्या बातमीला दुजोरा दिला होता. (PHOTO CREDIT- INSTAGRAM)
