IND vs SL T20 सामन्यात 200 धावा सहज होतात, पाहा आतापर्यंतचे 5 सर्वात मोठे रेकॉर्ड्स
T20 क्रिकेटमध्ये 200 धावा ही काही मोठी गोष्ट नाही. विशेषत: जेव्हा सामना भारत आणि श्रीलंका यांच्यात असेल आणि तेही जेव्हा दोन्ही संघ भारतीय मैदानावर भिडत असतील. अशावेळी धावांचा पाऊस पडतो. यामुळेच उभय संघांमध्ये खेळवल्या गेलेल्या मालिकेत स्कोअर बोर्डाने अनेकवेळा 200 धावांचा टप्पा ओलांडला आहे.
अक्षय चोरगे, टीव्ही 9 मराठी डिजीटल टीम |
Updated on: Feb 22, 2022 | 10:20 AM
Share
T20 क्रिकेटमध्ये 200 धावा ही काही मोठी गोष्ट नाही. विशेषत: जेव्हा सामना भारत आणि श्रीलंका यांच्यात असेल आणि तेही जेव्हा दोन्ही संघ भारतीय मैदानावर भिडत असतील. अशावेळी धावांचा पाऊस पडतो. यामुळेच उभय संघांमध्ये खेळवल्या गेलेल्या मालिकेत स्कोअर बोर्डाने अनेकवेळा 200 धावांचा टप्पा ओलांडला आहे. चला तर मग भारत-श्रीलंका टी-20 मालिकेत बनवलेल्या 5 सर्वात मोठ्या स्कोअरवर एक नजर टाकूया. (Photo:AFP)
1 / 6
भारत - 260/5 VS श्रीलंका, 2017 : मैदान इंदूरचे होते आणि रोहित शर्माच्या बॅटने धमाका केला होता. आंतरराष्ट्रीय T20 मध्ये सर्वाधिक शतके झळकावणाऱ्या या फलंदाजाने त्या दिवशी 43 चेंडूत 118 धावा फटकावल्या. ज्याच्या जोरावर भारताने श्रीलंकेविरुद्ध 20 षटकांत 5 गडी गमावून 260 धावा केल्या. दोन्ही संघांमध्ये टी20 सामन्यात उभारलेली ही आतापर्यंतची सर्वोच्च धावसंख्या आहे. (Photo:AFP)
2 / 6
श्रीलंका - 215/5 VS भारत, 2009 : नागपुरात 9 डिसेंबर रोजी खेळवलेला सामना कुमार संगकाराच्या टी-20 कारकिर्दीतला उल्लेखनीय सामना आहे. या सामन्यात त्याने 37 चेंडूत 78 धावा करून श्रीलंकेला 20 षटकात 215 धावांपर्यंत नेले. भारत-श्रीलंका टी20 मालिकेतील ही दुसरी सर्वोच्च धावसंख्या आहे. (Photo:AFP)
3 / 6
भारत - 211/4 VS श्रीलंका, 2009 : मोहालीचे मैदान आणि त्यावर सेहवाग आणि युवराजची आतषबाजी. 12 डिसेंबर रोजी झालेल्या सामन्यात श्रीलंकेने दिलेल्या 207 धावांच्या लक्ष्याचा पाठलाग करताना भारताने 211 धावा केल्या होत्या. सेहवागने 36 चेंडूत 64 तर युवराजने 25 चेंडूत 60 धावा केल्या. दोन्ही संघांमधील ही तिसरी सर्वात मोठी धावसंख्या आहे. (Photo:AFP)
4 / 6
श्रीलंका-206/7 VS भारत, 2009 : ज्या मैदानात भारताने 211 धावा करुन सामना जिंकला होता, त्याच सामन्यात श्रीलंकेने प्रथम फलंदाजी करताना 206 धावांपर्यंत मजल मारली होती. उभय संघांमध्ये खेळवण्यात आलेल्या सामन्यांपैकी ही आतापर्यंतची चौथी सर्वात मोठी धावसंख्या आहे. (Photo:AFP)
5 / 6
भारत-201/6 VS श्रीलंका, वर्ष 2020 : पुण्याच्या मैदानावर भारतीय सलामीवीरांनी धमाका केला. शिखर धवनने 36 चेंडूत 52 धावा केल्या आणि तेवढ्याच चेंडूंचा सामना करताना केएल राहुलने 54 धावा केल्या. मधल्या फळीतल्या फलंदाजांनीदेखील जोरदार फटकेबाजी करत भारताला 200 पार नेऊन ठेवलं. 201 ही उभय संघांमध्ये खेळवण्यात आलेल्या टी-20 सामन्यांमधील पाचवी सर्वोच्च धावसंख्या आहे. (Photo:AFP)
