IPL 2026: हा तर फुसका बार निघाला, 25 कोटी घेणारा कमॅरुन ग्रीन पहिल्या 3 सामन्यात फ्लॉप
Cameron Green IPL 2026 : कॅमरुन ग्रीन ऑलराउंड असल्याने त्याच्याकडून केकेआर टीमला विस्फोटक बॅटिंग आणि बॉलिंगची अपेक्षा होती. मात्र कॅमरुन पहिल्या 3 सामन्यात सपशेल अपयशी ठरलाय. कॅमरुनला या दरम्यान धावांसाठी संघर्ष करावा लागला.
आयपीएल स्पर्धेच्या प्रत्येक मोसमात काही खेळाडूंना तगडा भाव मिळतो. मात्र त्यापकैी 1 खेळाडू सर्वात महागडा ठरतो. सर्वाधिक भाव मिळाल्याने या खेळाडूच्या कामगिरीकडे क्रिकेट चाहत्यांचं लक्ष असतं. मात्र क्वचितच महागड्या खेळाडूंना प्राईज टॅगला साजेशी कामगिरी करता आली आहे. या 19 व्या मोसमातील खेळाडूही आतापर्यंत प्राईज टॅगला शोभेल अशी कामगिरी करण्यात अपयशी ठरला आहे. (Photo Credit: PTI)
आयपीएलच्या 19 व्या मोसमाआधी झालेल्या मिनी ऑक्शनमध्ये ऑस्ट्रेलियाचा ऑलराउंडर कॅमरुन ग्रीन याला सर्वाधिक भाव मिळाला. मात्र कॅमरुनला या मोसमात आतापर्यंत काही खास करता आलं नाहीय. (Photo Credit: PTI)
कॅमरुन ग्रीनसाठी केकेआरने तब्बल 25 कोटी 20 लाख रुपये मोजून त्याला आपल्या ताफ्यात घेतलं. कॅमरुन यासह स्पर्धेच्या इतिहासातील सर्वात महागडा विदेशी खेळाडू ठरला. (Photo Credit: PTI)
कॅमेरुनने 19 व्या मोसमातील 3 सामन्यांत फक्त 25 धावा केल्या. कमॅरुनला मुंबई विरुद्ध आश्वासक सुरुवात मिळाली. मात्र मुंबईच्या गोलंदाजाने कॅमरुनला 18 रन्सवर आऊट केलं. कॅमरुनला त्यानंतरच्या 2 सामन्यांत दुहेरी आकडाही गाठता आला नाही. कॅमरुनने हैदराबाद विरुद्ध 2 आणि पंजाब विरूद्धच्या सामन्यात 4 धावा केल्या. (Photo Credit: PTI)
केकेआरला या मोसमात आणखी 11 सामने खेळायचे आहेत. त्यामुळे कॅमरुनला आपला तडाखा दाखवण्याची संधी आहे. त्यामुळे कॅमरुन कमबॅक करुन केकेआरला अपेक्षित कामगिरी करतो का हे पाहणं महत्त्वाचं ठरणार आहे. (Photo Credit: PTI)
