Cricket : आयपीएलमध्ये सहभागी खेळाडूवर 1 वर्षाची बंदी, क्रिकेट बोर्डाचा निर्णय, कारण?
Cricket : आणखी एक खेळाडू पीएसएलची साथ सोडून आयपीएल स्पर्धेत सहभागी झाल्याने पाकिस्तान क्रिकेट बोर्डाचा जळफळाट झाला आहे. त्यामुळे पीसीबीने पीएसएलमधून माघार घेणाऱ्या खेळाडूवर बंदीची कारवाई केली आहे.
आतापर्यंत अनेक खेळाडूंनी पीएसएलऐवजी (PSL) आयपीएल स्पर्धेत खेळण्यास प्राधान्य दिलंय. खेळाडूंनी करारानंतरही पीएसएलमधून फक्त नि फक्त आयपीएलसाठी माघार घेतलीय. त्यामुळे पाकिस्तान क्रिकेट बोर्डाने माघार घेणाऱ्या खेळाडूंवर बंदीची कारवाई केली आहे. त्यात आता आणखी एका खेळाडूची भर पडली आहे. पीसीबीने श्रीलंकेच्या दासुन शनाका याच्यावर 1 वर्षाची बंदीची कारवाई केली आहे. (Photo Credit : PTI)
पीएसएलसाठी दासुन शनाका आणि लाहोर कलंदर्स यांच्यात करार झाला होता. मात्र दासूनने हा करार मोडला. त्यामुळे पाकिस्तान क्रिकेट बोर्डाने प्रसिद्धीपत्रकाद्वारे दासूनवर 1 वर्षासाठी बंदीची कारवाई करण्यात येत असल्याचं जाहीर केलंय. त्यामुळे दासूनला पीएसएलच्या पुढील हंगामात खेळता येणार नाही. (Photo Credit : PTI)
दासून शनाका करार मोडल्यानंतर आयपीएलमध्ये राजस्थान रॉयल्स टीमसह जोडला गेला आहे. ऑलराउंडर सॅम करन याला बाहेर व्हावं लागल्याने त्याच्या जागी दासुनला संधी देण्यात आली आहे. (Photo Credit : PTI)
राजस्थान रॉयल्सने दासुन शनाका याच्यासाठी 2 कोटी रुपये मोजून आपल्या ताफ्यात घेतलं आहे. मात्र दासूनला अजूनही खेळण्याची संधी मिळालेली नाही. त्यामुळे दासून संधीच्या प्रतिक्षेत आहे. (Photo Credit : PTI)
पीसीबीकडून बंदीची कारवाई होणारा दासून दुसरा खेळाडू ठरला आहे. पीसीबीने दासूनआधी झिंबाब्वेचा वेगवान गोलंदाज ब्लेसिंग मुझरबानी याच्यावर बंदी घातली. ब्लेसिंगनेही पीएसएलमधून माघार घेत आयपीएलमध्ये केकेआर टीमसह जोडला गेला. (Photo Credit : PTI)
