आंतरराष्ट्रीय क्रिकेट सर्वाधिक वेळा 90 ते 99 दरम्यान नाबाद राहणारे खेळाडू
भारतविरुद्धच्या दुसऱ्या वनडे सामन्यात जो रूटने नाबाद 99 धावांची खेळी केली. त्याने संघाला विजय मिळवून देण्यात मोठं योगदान दिलं. पण त्याचं शतक फक्त एका धावेने हुकलं. चला जाणून घेऊयात आंतरराष्ट्रीय क्रिकेटमध्ये सर्वाधिक वेळा 90 ते 99 धावांदरम्यान नाबाद राहणारे फलंदाज कोण ते..
भारत इंग्लंड यांच्यातील दुसरा वनडे सामना कार्डिफमध्ये रंगला. या सामन्यात इंग्लंडच्या जो रूटने नाबाद 99 धावांची खेळी केली आणि संघाला विजय मिळवून दिला. त्याचं शतक फक्त एकाच धावेने हुकलं. यासह जो रूट दिग्गज खेळाडूंच्या यादीत सहभागी झाला आहे. या यादीत आंतरराष्ट्रीय क्रिकेटमध्ये सर्वाधिक वेळा 90 ते 99 दरम्यान खेळाडू नाबाद राहिले आहेत. (PC-GETTY IMAGES)
जो रूट आंतरराष्ट्रीय क्रिकेटमध्ये चौथ्यांदा 90 ते 99 दरम्यान नाबाद राहिला आहे. यापूर्वी दोन 90 आणि एकदा 91 धावांवर नाबाद राहिला आहे. आता भारताविरुद्ध वनडे मालिकेत 99 धावांवर नाबाद राहिला. त्याचं शतक एका धावेने हुकलं. (PC-GETTY IMAGES)
नाबाद 90 च्या यादीत एलेन बॉर्डर पहिल्या स्थानावर आहे. त्याच्या नावावर नकोसा विक्रम आहे. ऑस्ट्रेलियाचा माजी कर्णधार 98, 90, 91, 91 अशा धावसंख्येवर नाबाद राहिला. दक्षिण अफ्रिकेचा माजी क्रिकेट हर्शल गिब्सनही 97, 93, 93, आणि 90 धावांवर नाबाद राहिला. (PC-GETTY IMAGES)
पाकिस्तानचा इंजमाम उल हक आणि मोहम्मद युसूफ देखील 4-4 वेळा आंतरराष्ट्रीय क्रिकेटमध्ये 90 ते 100 धावसंख्येवर नाबाद राहिले आहेत. इंजमाम 90, 91, 92, 92 या धावसंख्येवर नाबाद राहिला आहे. तर मोहम्मद युसूफ 99, 94, 91 आणि 90 धावांवर नाबाद राहिला आहे. (PC-GETTY IMAGES)
दक्षिण अफ्रिकेचा अष्टपैलू जॅक कॅलिस देखील चार वेळा 90 ते 99 धावांच्या दरम्यान नाबाद राहिला आहे. जॅक कॅलिस 98, 95, 91 आणि 92 धावांवर नाबाद राहिला आहे. (PC-GETTY IMAGES)
