T20 World Cup 2026 : टीम इंडिया विरूद्धच्या पराभवानंतरही आयसीसीचा विंडीजबाबत असा निर्णय, नक्की काय?
Icc T20 World Cup 2026: टीम इंडियाने पराभूत करताच वेस्ट इंडिजचं टी 20i वर्ल्ड कप 2026 स्पर्धेतून आव्हान संपुष्टात आलं. आता या पराभवानंतर आयसीसीने वेस्ट इंडिजबाबत काय निर्णय घेतला? जाणून घ्या.
एकूण 2 वेळा आयसीसी टी 20i वर्ल्ड कप जिंकणाऱ्या वेस्ट इंडिजचं स्पर्धेच्या 10 व्या पर्वातील आव्हान संपुष्टात आलं आहे. टीम इंडियाने रविवारी 1 मार्च रोजी विंडीजला पराभूत केलं. विंडीजचा हा सुपर 8 फेरीतील एकूण आणि सलग दुसरा पराभव ठरला. विंडीजचं पराभवामुळे सेमी फायनलचं स्वप्न भंगलं (Photo Credit : PTI)
विंडीजने साखळी फेरीत कमाल केली होती. विंडीज साखळी फेरीत 4 पैकी 4 सामने जिंकून टेबल टॉपर राहिली होती. मात्र विंडीजला सुपर 8 फेरीत तो सूर गवसला नाही. विंडीज 3 पैकी 2 सामन्यांत पराभूत झाली. त्यामुळे विंडीज ग्रुप 1 मधून पॉइंट्स टेबलमध्ये तिसऱ्या स्थानी राहिली. (Photo Credit : PTI)
आता आयसीसी विंडीजला या पराभवांनतरही बक्षिस रक्कम देणार आहे. नियमांनुसार स्पर्धेत सहभागी होणाऱ्या संघाला आयसीसीकडून ठराविक बक्षिस रक्कम देण्यात येते. त्यानुसार विंडीजला किती रक्कम मिळणार? हे जाणून घेऊयात. (Photo Credit : PTI)
विंडीज सुपर 8 साठी पात्र ठरली होती. सुपर 8 मधून बाहेर पडलेले संघ 5 ते 8 व्या स्थानादरम्यान राहिले. त्यामुळे विंडीजला आयसीसीकडून जवळपास साडे 3 कोटी रुपये बक्षिस देण्यात येणार आहे. तसेच साखळी आणि सुपर 8 फेरीतील प्रत्येक विजयासाठीही आयसीसी बक्षिस रक्कम देणार आहे. (Photo Credit : PTI)
आयसीसीकडून साखळी आणि सुपर 8 फेरीतील एका सामन्यात मिळवलेल्या विजयासाठी जवळपास 28 लाख रुपये दिले जातात. विंडीजने या स्पर्धेतील एकूण 5 सामने जिंकले. त्यामुळे विंडीजला जवळपास दीड कोटी रुपये बक्षिस मिळणार आहे. (Photo Credit : PTI)
