FIFA World Cup 2026: फुटबॉल वर्ल्डकप स्पर्धेची ट्रॉफीची किंमत 190 कोटी, खासियत जाणून घ्या
फिफा वर्ल्डकप 2026 स्पर्धेला 12 जूनपासून सुरूवात होणार आहे. पण तुम्हाला या स्पर्धेच्या ट्रॉफीबाबत माहिती आहे का? या ट्रॉफीची किंमत आणि कोण हात लावू शकतं ते.. चला जाणून घेऊयात सविस्तर
फुटबॉल वर्ल्डकप 2026 स्पर्धेला 12 जूनपासून सुरूवात होणार आहे. या स्पर्धेचा अंतिम सामना 20 जुलैला खेळला जाणार आहे. ही स्पर्धा अमेरिका, मॅक्सिको आणि कॅनडातील एकूण 16 शहरात खेळली जाणार आहे. जेतेपदाची ट्रॉफी मिळवण्यासाठी 48 संघ भिडणार आहेत. (फोटो-GETTY IMAGES)
फुटबॉल वर्ल्डकप ट्रॉफीची किंमत 20 मिलियन डॉलर म्हणजेच जवळपास 190 कोटी रुपये आहे. या ट्रॉफीची उंची 14.5 इंच आणि वजन 6.1 किलो आहे. ही ट्रॉफी 18 कॅरेट सोनं आणि मेलाकाइटच्या मदतीने तयार केली आहे. (फोटो-GETTY IMAGES)
फुटबॉल ट्रॉफी आतून पोकळ असते. जर ही ट्रॉफी भरीव सोन्याची असती तर तिचं वजन 70 ते 80 किलो असतं. तसेच उचलणं देखील कठीण झालं असतं. या ट्रॉफीचा वापर 1974 पासून होत आहे. इटलीची कंपनी जीडीई बेरटोनीने ही ट्रॉफी तयार केली आहे. (फोटो-GETTY IMAGES)
फुटबॉल ट्रॉफी जिंकणाऱ्या संघाला कधीच खरी ट्रॉफी दिली जात नाही. विजेत्या संघाला गोल्ड प्लेटेड ब्राँड रेप्लिका ट्रॉफी दिली जाते. खरी ट्रॉफी ज्यूरिखमधील फिफा वर्ल्डकप म्यूझियममध्ये ठेवली जाते. (फोटो-GETTY IMAGES)
फुटबॉल वर्ल्डकप ट्रॉफीला स्पर्श करण्याचा अधिकार काही लोकांनाच असतो. या ट्रॉफीला खेळाडू आणि राष्ट्राध्यक्ष स्पर्श करू शकतात. ही क्रीडा जगतातील आयकॉनिक ट्रॉफी मानली जाते. (फोटो-GETTY IMAGES)
