Womens World Cup 2025: विश्वविजेत्या भारतीय संघाला मिळाले 91 कोटी रुपये, पाकिस्तानची स्थिती जाणून घ्या
वुमन्स वर्ल्डकप स्पर्धेचं जेतेपद मिळवल्यानंतर भारतीय महिला संघावर बक्षिसांचा वर्षाव होत आहे. आयसीसीकडून 40 कोटींची रक्कम मिळाली. त्यानंतर बीसीसीआयने देखील बक्षिसाची घोषणा केली आहे. पण पाकिस्तानला या स्पर्धेतून किती रुपये मिळाले माहिती आहेत का? चला जाणून घेऊयात.
वुमन्स वर्ल्डकप स्पर्धेच्या जेतेपदाचा मान यंदा भारतीय संघाला मिळाला आहे. भारताने अंतिम फेरीत दक्षिण अफ्रिकेचा पराभव केला आणि जेतेपदावर नाव कोरलं. या विजयासह भारतीय महिला संघावर बक्षिसांचा वर्षाव झाला आहे. (Photo: PTI)
भारतीय महिला संघाला बक्षिसाच्या रुपाने 91 कोटी रुपये मिळाले आहेत. यातील 40 कोटी रुपये जेतेपद मिळवल्याने बक्षीस म्हणून मिळाले आहेत. त्यात बीसीसीआयने भारतीय महिला संघाला 51 कोटी रुपये बक्षीस म्हणून देण्याचा निर्णय घेतला आहे. (Photo: PTI)
भारतीय संघाला 91 कोटी रुपये बक्षिस म्हणून मिळणार आहेत. पण पाकिस्तान संघाला किती रुपये मिळतील असा प्रश्न क्रीडाप्रेमींना पडला आहे. साखळी फेरीतील प्रत्येक विजयासाठी रक्कम ठरली होती. मग पाकिस्तानच्या पदरात किती रुपये पडले असतील? (Photo: PTI)
पाकिस्तानी महिला संघाची या स्पर्धेतील कामगिरी सुमार राहिली आहे. पाकिस्तानने सर्व सामने कोलंबोत खेळले. पण एकही सामन्यात विजय मिळवता आला नाही. या स्पर्धेत एकूण 8 संघांन भाग घेतला होता. त्यात सर्वात शेवटच्या स्थानावर पाकिस्तानचा संघ राहिला. (Photo: PTI)
पाकिस्तानी महिला संघाच्या सुमार कामगिरीनंतर पीसीबीने पाठ फिरवली. एक रुपयाही बक्षीस म्हणून दिला नाही. पण आयसीसी स्पर्धेत भाग घेतलेल्या पाकिस्तान ठरावीक रक्कम मिळाली आहे. पाकिस्तानला त्यांच्या चलनात 14.95 कोटी मिळाले आहेत. पण भारतीय रुपयात त्याची किंमत 4.70 कोटी रुपये आहे. (Photo: PTI
