‘टायटॅनिक’ जहाज का बुडालं? ‘3D स्कॅन’मुळे मोठं रहस्य उलगडलं? अपघातावेळी…
टायटॅनिक जहाजासोबत झालेल्या अपघाताबाबत आता मोठी आणि महत्त्वाची माहिती समोर आली आहे.
टायटॅनिक या 'अनसिंकेबल' म्हणवल्या जाणाऱ्या जहाजासोबत नेमकं काय घडलं होतं? हे महाकाय जहाज नेमकं का बुडालं होतं? याचे नेमके उत्तर आजही शोधले जाते.
या अपघातात तब्बल 1500 पेक्षा जास्त लोकांचा मृत्यू झाला होता. दरम्यान, टायटॅनिक जहाजाचे डिजिटल स्कॅन करण्यात आले होते. याच डिजिटल स्कॅनच्या मदतीने टायटॅनिक जहाजासोबतच्या अपघाताचे नवे रहस्य खुले झाले आहे.
या डिजिटल स्कॅननुसार अपघात झाल्यानंतर टायटॅनिकच्या इंजिनिअर्सने शेवटच्या क्षणापर्यंत जहाजातील इंजिनिअर्सने काम केले होते.
जहाजातील लाईट्स चालूच राहावेत म्हणून त्यांनी शेवटपर्यंत काम केलं होतं, हे डिजिटल स्कॅनमधून समोर आलं आहे.
टायटॅनिक जहाजाच्या अपघाताचा अभ्यास करण्यासाठी अटलांटिक समुद्रात 3800 मीटर खोल पाण्यात रोबोट्सच्या माध्यमातून अभ्यास करण्यात आला होता.
या मोहिमेत टायटॅनिक जहाजाचे तब्बल 7 लाख वेगवेगळे फोटो काढण्यात आले होते. याच फोटोंच्या मदतीने जहाजाचे 'डिजिटल ट्विन' तयार करण्यात आले होते.
त्यानंतर जहाजातील लाईट्स चालूच राहावेत आणि जास्तीत जास्त प्रवाशांना लाईफ जॅकेट्स आणि जिवनरक्षक प्रणाली मिळावी यासाठी जहाजातील इंजिनिअर्सने प्रयत्न केला होता.
टायटॅनिक जहाजाच्या हलला एखाद्या पेपरएवढे छित्र पडल्यामुळेच ते बुडाले. हीमनगाला धडक दिल्यामुळे हा अपघात झाला होता, असाही अंदाज या अभ्यासातून काढण्यात आला आहे.
