Todays Gold Rate: अक्षय तृतीयेच्या एक दिवसआधीच सोनं कडाडलं, सर्वसामान्यांना खरेदी करताना विचार करावा लागणार
Todays Gold Rate: आज, 18 एप्रिल रोजी सोने आणि चांदीचे दर आकाशाला स्पर्श करताना दिसत आहेत. आज 10 ग्रॅम सोने खरेदी करण्यासाठी किती रुपये मोजावे लागणार जाणून घ्या...
गेल्या काही दिवसांपासून भारतात सर्वात मौल्यवान असलेला धातू सोने खरेदी करणे सर्वसमान्यांसाठी कठीण झाले आहे. कारण, सोने आणि चांदीचे भाव आकाशाला स्पर्श करताना दिसत आहेत. आज, अक्षय तृतीयेच्या एक दिवसआधी सोन्याचे भाव कडाडले आहेत.
अक्षय तृतीयेच्या दिवशी सोने खरेदी करण्याची जुनी परंपरा आहे. पण यंदा सोने खरेदी करताना सर्वसामान्य लोकांना दहा वेळा विचार करावा लागणार आहे. जळगावच्या सराफ बाजारात सोन्या आणि चांदीच्या दरात पुन्हा वाढ झाली आहे.
सोन्याच्या दरात 1100 रुपयांची तर चांदीच्या दरात तब्बल 7 हजारांची वाढ झाली आहे. तर चांदीचे दर ही आकाशाला स्पर्श करताना दिसत आहेत.
अक्षय तृतीयेच्या पूर्वसंध्येला सोन्याने चांदीच्या दरात वाढ झाल्याने मुहूर्तावर खरेदी करणाऱ्या ग्राहकांच्या खिशाला कात्री लागणार आहे. आज, 18 एप्रिल रोजी 10 ग्रॅम सोन्याचे दर जीएसटीसह 1 लाख 57 हजार 384 रुपयांवर पोहोचले आहेत. तर चांदीचे दर जीएसटीसह 2 लाख 67 हजार 800 रुपयांवर पोहोचले आहेत.
(टीप- वरच्या लेखात दिलेली माहिती ही प्राथमिक स्वरुपाची आहे. या लेखाच्या माध्यमातून गुंतवणूक करण्याचा सल्ला दिलेला नाही. कुठेही प्रत्यक्ष वा अप्रत्यक्ष गुंतवणूक करायची असेल किंवा कोणताही आर्थिक निर्णय घ्यायचा असेल तर त्या-त्या क्षेत्रातील तज्ज्ञांचा सल्ला जरूर घ्या)
