मेडिकेअर हॉस्पिटलमध्ये गर्भाशयाच्या मुखाच्या कर्करोगावर प्रतिबंध करण्यासाठी लसीकरण शिबिर, महिलांचा उदंड प्रतिसाद
जागतिक महिला दिनानिमित्त लोहा येथील मेडिकेअर हॉस्पिटलमध्ये महिलांमध्ये वाढत असलेल्या गर्भाशयाच्या मुखाच्या कर्करोगावर प्रतिबंध करण्यासाठी लसीकरण शिबिराचे आयोजन करण्यात आले. या शिबिराला महिलांनी उदंड प्रतिसाद दिला.
जागतिक महिला दिनानिमित्ताने लोहा येथील मेडिकेअर हॉस्पिटलमध्ये महिलांमध्ये वाढत असलेल्या गर्भाशयाच्या मुखाच्या कर्करोगावर प्रतिबंध करण्यासाठी लसीकरण शिबिराचे आयोजन करण्यात आले.
या शिबिराचे उद्घाटन भाजप महिला आघाडीच्या प्रदेश उपाध्यक्षा प्राणिता देवरे-चिखलीकर यांच्या हस्ते करण्यात आले. प्रसिद्ध हृदयरोग तज्ज्ञ डॉ. मिलिंद धनसडे यांच्या मेडिकेअर हॉस्पिटलमध्ये स्त्रीरोग तज्ज्ञ डॉ. शमा कोरपेनवार-बुक्तरे यांच्या पुढाकाराने हे शिबिर आयोजित करण्यात आले.
9 ते 14 वर्षे तसेच 15ते 40 वर्षे वयोगटातील मुली व महिलांसाठी हे लसीकरण उपयुक्त असल्याची माहिती डॉक्टरांनी दिली. योग्य वेळी लसीकरण केल्यास गर्भाशयाच्या मुखाच्या कर्करोगापासून संरक्षण मिळू शकते, असेही त्यांनी सांगितले.
ग्रामीण भागात आधुनिक वैद्यकीय सेवा उपलब्ध करून देण्याचे कार्य मेडिकेअर हॉस्पिटलमार्फत सुरू असून अनेक रुग्णांना त्याचा लाभ होत असल्याचेही यावेळी नमूद करण्यात आले.
महिलांच्या आरोग्याविषयी जनजागृती व्हावी आणि त्यांचे आरोग्य सुदृढ राहावे या उद्देशाने हा उपक्रम राबविण्यात आला असल्याचे डॉ. शमा कोरपेनवार-बुक्तरे यांनी सांगितले. प्राध्यापक शारदा मिलिंद धनसडे यांनी हे शिबीर यशस्वी करण्याकरिता प्रयत्न केले.
