PHOTO | चेन्नईच्या ‘या’ त्रिमूर्तींची कमाल, विजय हजारे करंडाकातील पहिल्या सामन्यात शतकी खेळी, आयपीएलसाठी सज्ज
तीनही फलंदाजांनी आपापल्या टीमसाठी सलामीला खेळताना शतके ठोकली असून आयपीएल 2021 पूर्वी सीएसकेसाठी ही चांगली बातमी आहे.
विजय हजारे करंडकात चेन्नई सुपर किंग्ज संघाचे सदस्य असलेले फलंदाज बॅटने धमाकेदार कामगिरी करत आहेत. या स्पर्धेत या खेळाडूंनी आपल्या राज्याचे प्रतिनिधित्व करत असताना शतक झळकावलं आहे. तरी देखील काही महिन्यांनी हे खेळाडू आयपीएलमध्ये चेन्नईच्या पिवळ्या जर्सीत खेळताना दिसणार आहेत.
नारायण जगदीशन. आयपीएल 2020 मध्ये नारायण जगदीशन चेन्नई सुपर किंग्जकडून मधल्या फळीत खेळला. विजय हजारे स्पर्धेत त्याने तमिळनाडूकडून सलामीला पंजाबविरुद्ध खेळताना 103 चेंडूत शानदार 101 धावा फटकावल्या. या खेळीत 14 चौकार आणि 2 षटकारांचा समावेश होता.
रॉबिन उथप्पा. चेन्नईने उथप्पाला ट्रान्सफर विंडोद्वारे आपल्या ताफ्यात घेतलं आहे. शेन वॉटसनने आयपीएलमधून निवृत्ती घेतली. त्यामुळे वॉटसनच्या जागा भरुन काढण्याच्या हेतून उथप्पाला आपल्या ताफ्यात घेतलं आहे. उथप्पाने केरळकडून खेळताना ओडिशा विरुद्ध 85 चेंडूत 107 धावा केल्या आहेत. या शतकी खेळीत 10 चौकार आणि 4 षटकारांचा समावेश होता. उथप्पाच्या या खेळीमुळे चेन्नईचा सलामीचा प्रश्न सुटला आहे.
ऋतुराज गायकवाडने आयपीएल 2020 मध्ये CSK कडून खेळताना सलग 3 अर्धशतक लगावले होते. ऋतुराज आयपीएलच्या 14 व्या मोसमासाठी सज्ज आहे. विजय हजारे स्पर्धेत त्याने पहिल्या सामन्यात हिमाचल प्रदेशविरुद्ध शानदार शतक झळकावले. त्याने 109 चेंडूंमध्ये 102 धावा केल्या असून त्यामध्ये 9 चौकार आणि 3 षटकारांचा समावेश आहे.
तिन्ही फलंदाजांनी आपापल्या संघांसाठी सलामीला येत शतकं ठोकली आहेत. त्यापैकी जगदीशन आणि उथप्पाने विजयी आव्हानाचा पाठलाग करताना तर ऋतुराजने पहिल्या डावात शतक लगावलं आहे. दरम्यान हे तिन्ही सलामी फलंदाज जोरदार परफॉर्मन्स करत आहेत. यामुळे चेन्नईसाठी ही शुभसंकेत आहेत. यामुळे आयपीएलच्या 14 व्या मोसमासाठी चेन्नईकडे सलामी फलंदाज म्हणून अनेक पर्याय उपलब्ध झाले आहेत.