इतका कॉमेडी चित्रपट की हसून-हसून पोट दुखेल, यूट्यूबवर बघत आहेत लोक
इतका कॉमेडी चित्रपट की लोक बघताना हसून-हसून थकतील. 2 तासांचा हा चित्रपट सध्या यूट्यूबवर घालतोय प्रचंड धुमाकूळ. कोणता आहे हा चित्रपट?
भोजपुरी चित्रपटसृष्टीत गेल्या काही वर्षांमध्ये मोठ्या प्रमाणात बदल झाला आहे. एकेकाळी केवळ मारामारी, मनोरंजन आणि द्विअर्थी गाण्यांसाठी ओळखल्या जाणाऱ्या या इंडस्ट्रीमध्ये आता सामाजिक आशय असलेल्या आणि कौटुंबिक नातेसंबंधांवर आधारित चित्रपटांची निर्मिती वाढली आहे.
प्रेक्षकांच्या आवडीनिवडी बदलत असल्याने निर्मातेही नव्या विषयांवर प्रयोग करत आहेत. महिलांचे प्रश्न, सामाजिक रूढी आणि कुटुंबातील नात्यांतील गुंतागुंत यांसारखे विषय आता भोजपुरी सिनेमात प्रभावीपणे मांडले जात आहेत.
याच बदलत्या प्रवाहाचा भाग ठरलेला एक चित्रपट म्हणजे ‘प्रिया ब्युटी पार्लर’. अभिनेत्री राणी चॅटर्जीच्या प्रमुख भूमिकेमुळे चर्चेत आलेल्या या चित्रपटाने प्रेक्षकांची विशेष पसंती मिळवली आहे. विनोद, भावना आणि सामाजिक संदेश यांचा उत्तम मेळ साधणारा हा चित्रपट 7 जून 2025 रोजी प्रदर्शित झाला होता.
‘प्रिया ब्युटी पार्लर’ हा फक्त सासू-सुनेच्या वादावर आधारित चित्रपट नाही. समाजातील जुनाट विचारसरणी, महिलांच्या स्वप्नांवरील बंधने आणि रंगभेदासारख्या गंभीर विषयांवरही हा चित्रपट भाष्य करतो. स्वतःच्या पायावर उभे राहण्यासाठी एका महिलेला किती संघर्ष करावा लागतो आणि अनेकदा तिला घरच्यांच्याच विरोधाला सामोरे जावे लागते हे चित्रपट प्रभावीपणे मांडतो.
हा चित्रपट मोठ्या पडद्यावर प्रदर्शित झाला नाही. मात्र डिजिटल प्लॅटफॉर्मवर प्रदर्शित झाल्यानंतर त्याला प्रचंड प्रतिसाद मिळाला. यूट्यूबवर उपलब्ध होताच प्रेक्षकांनी चित्रपटाला भरभरून प्रेम दिले आणि अल्पावधीतच त्याला कोट्यवधी व्ह्यूज मिळाले.
