षंढ, मर्दानगी, रेडे… राऊत जेलमधून ‘ही’ भाषा शिकून आले, भाजप नेत्याचा हल्लाबोल

मंजिरी धर्माधिकारी, Tv9 मराठी

Updated on: Dec 07, 2022 | 1:31 PM

महाराष्ट्रातल्या जनतेला ही भाषा सहन होणार नाही, अशी टीका भाजप नेत्याने केली आहे.

षंढ, मर्दानगी, रेडे... राऊत जेलमधून 'ही' भाषा शिकून आले, भाजप नेत्याचा हल्लाबोल

मुंबईः संजय राऊत (Sanjay Raut) हे तीन महिने जेलमध्ये राहून आले. त्यामुळे ते षंढ, मर्दानगी, रेडे अशा शब्दांची भाषा शिकून आले. कैद्यांची अशा प्रकारची भाषा असते. मात्र महाराष्ट्रातील जनतेला ही भाषा सहन होणार नाही, अशा शब्दात भाजप प्रदेशाध्यक्ष चंद्रशेखर बावनकुळे (Chandrashekhar Bawankule) यांनी संजय राऊत यांना सुनावलं आहे.

महाराष्ट्र कर्नाटक सीमाप्रश्न उफाळून आलेला असताना शिंदे-भाजप सरकारने तोंडाला कुलूप लावले आहे. हे षंढ, नामर्द सरकार आहे, अशी टीका संजय राऊत यांनी आज केली.

तुमच्यात दम असेल तर केंद्र सरकारला या प्रश्नावर तोडगा काढायला सांगा. मराठी भाषिकांवरील अन्याय आम्ही सहन करणार नाहीत.. परिस्थिती चिघळली तर त्याला सर्वस्वी केंद्र सरकार जबाबदार असेल, असा इशारा संजय राऊत यांनी दिला.

त्याला भाजप प्रदेशाध्यक्ष चंद्रशेखर बावनकुळे यांनी प्रत्युत्तर दिलं. ते म्हणाले, ‘ कोणतीही अनुचित घटना देशाला किंवा महाराष्ट्राला परवडणारी नाही. मंत्री गेले नाहीत म्हणून सरकार षंढ आहे, धमक नाही, ही भाषा संजय राऊत यांना शोभत नाही.

मर्दानगी आणि सरकार चालवण्याची धमक शिंदे आणि फडणवीस यांच्यात कशी आहे, हे संजय राऊत यांना माहिती आहे. प्रत्येक गोष्टीचं उत्तर सामाजिक वातावरण बिघडवून मिळत नाही. मागच्या अडीच वर्षात तुमचं सरकार होतं तर सीमा प्रश्नात त्यांनी काय भूमिका घेतली? असा सवाल बावनकुळे यांनी केला.

सुप्रीम कोर्टात एखादं प्रकरण असताना, कर्नाटक आणि महाराष्ट्रानीही जनतेकडून भूमिका घेतली आहे. एसटी फोडणे, गाड्या फोडणे ही लोकशाहीची लक्षणे नाहीत.

महाराष्ट्र सरकार सुप्रीम कोर्टाला विनंती करणार आहे. हा खटला लवकरात लवकर निकालात निघाला पाहिजे, असं पत्र देणार असल्याचंही बावनकुळे म्हणाले.

जेलमध्ये गेल्यावर ते आतल्या कैद्यासोबत राहून काही गोष्टी शिकून आलेत. तेथून काही वाक्य मिळतात, ते तेथून घेऊन आलेत.. आमदारांना रेडे म्हणतायत… असा आरोप बावनकुळे यांनी केलाय. महाराष्ट्रातल्या जनतेला ही वाक्ये सहन होत नाहीत.

हनुमान चालिसा मातोश्रीवर म्हणून असं एका महिला खासदाराने म्हणले, पण तुम्ही त्यांना अडवलं. त्यांना काय वागणूक दिली जेलमध्ये? यावरून षंढ कोण आहे, हे कळतं, असं बावनकुळे म्हणाले.

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI