…तर आगामी विधानसभा निवडणुकीतही काँग्रेसची सत्ता येईल : नाना पटोले

नाना पटोले, प्रदेशाध्यक्ष, काँग्रेस

मुंबई : राज्यातील आगामी महानगरपालिका, नगरपालिका तसेच जिल्हा परिषद निवडणुकीत सर्वांनी एकदिलाने काम करा. तसेच काँग्रेस पक्षाला विजयी करण्यासाठी कामाला लागा, असे आवाहन महाराष्ट्र प्रदेश काँग्रेस कमिटीचे अध्यक्ष नाना पटोले यांनी केले. (Nana Patole on municipal election)

आगामी महापालिका निवडणुकीच्या पार्श्वभूमीवर प्रदेशाध्यक्ष नाना पटोले यांनी नवी मुंबई, कल्याण डोंबिवली, वसई विरार आणि ठाणे शहर जिल्हा काँग्रेस कमिट्यांच्या बैठका घेतल्या. यावेळी त्यांनी निवडणुकांच्या तयारीचा आढावा घेतला.

“स्वबळावर लढण्यास तयार रहा”

सध्या राज्यात काँग्रेस पक्षाला अनुकुल वातावरण आहे. काँग्रेस पक्षाला मानणारे लोकही मोठ्या संख्येने आहेत, कार्यकर्त्यांनी लोकांपर्यंत पोहोचले पाहिजे. पक्ष संघटना बळकट करण्यासाठी मायक्रो लेवलला काम करा. स्वबळावर लढण्यास तयार रहा. महापालिका निवडणुकीत वार्डनिहाय जबाबदारी दिली जाईल. त्यानुसार काम करून पक्षाने दिलेल्या उमेदवाराला निवडून आणा, असे नाना पटोले म्हणाले.

तसेच कल्याण डोंबिवलीचा आढावा घेताना प्रतांध्यक्षांनी सर्व पदाधिकाऱ्यांची नावे घेऊन उपस्थित आहेत का हे देखील पटोलेंनी पाहिले. काँग्रेसचे सैनिक म्हणून काम करा. पक्षाचे सर्व सेल, विभाग, महिला काँग्रेस, युवक काँग्रेस, सेवादल, एनएसयुआयच्या पदाधिकाऱ्यांनी कार्यक्रमात सक्रीय सहभाग घेणे गरजेचे आहे. त्यांना सोबत घ्या. काँग्रेस पक्षात सर्व समाज घटकाला न्याय देण्याची भूमिका राहिली आहे. चांगले काम केले तर आगामी विधानसभा निवडणुकीतही काँग्रेसची सत्ता येईल असा विश्वास पटोलेंनी व्यक्त केला.

या आढावा बैठकीत पदाधिकारी, कार्यकर्ते यांनी काही अडचणी मांडल्या. तसेच त्यांना काही सूचनाही केल्या. प्रदेशाध्यक्षांनी सर्वांचे म्हणणे ऐकून घेऊन पक्ष त्यांच्या सोबत असल्याचा विश्वास दिला.

(Nana Patole on municipal election)

संबंधित बातम्या :

भातगिरणी मालकाला 80 कोटींचं बिल; महावितरणाकडून चुकीची दुरुस्ती

राज्यातील सहकारी संस्थांच्या निवडणुका पुन्हा लांबणीवर, सहकार विभागाचा निर्णय