आघाडीचे 48 पैकी 36 जागांवर उमेदवार जाहीर, संपूर्ण यादी एकाच ठिकाणी

मुंबई : लोकसभा निवडणुकीचे बिगुल वाजले आहेत. काही दिवसांवर निवडणुका येऊन ठेपल्या आहेत. त्यामुळे उमेदवारांची शोधाशोध आणि उमेदवारी जाहीर करण्यासाठी राजकीय पक्षांच्या हालचाली वेगवान केल्या आहेत. महाराष्ट्रात लोकसभेच्या 48 जागा आहेत. लोकसभेच्या सर्वाधिक जागा असणाऱ्या पहिल्या पाच राज्यात महाराष्ट्र आहे. त्यामुळे महाराष्ट्राकडे देशाचं लक्ष असतं. सर्वच राजकीय पक्षांनी महाराष्ट्रातील आपापले उमेदवार जाहीर करण्यास सुरुवात केली आहे. वंचित बहुजन आघाडीने सर्व उमेदवार जाहीर केलेत. विरोधी पक्ष असलेल्या काँग्रेस आणि राष्ट्रवादीने 48 पैकी 36 जागांवरील आपले उमेदवार जाहीर केले आहेत. उमेदवारी जाहीर करण्यात काँग्रेस-राष्ट्रवादीने बाजी मारली आहे. काँग्रेस महाराष्ट्रात 26 तर राष्ट्रवादी 22 जागा लढणार आहे.

काँग्रेसचे (Congress) लोकसभेचे उमदेवार :

1. नंदुरबार – के. सी. पाडवी
2. धुळे – कुणाल पाटील
3. वर्धा – चारुलता टोकस
4. यवतमाळ-वाशिम – माणिकराव ठाकरे
5. मुंबई दक्षिण मध्य – एकनाथ गायकवाड
6. शिर्डी – भाऊसाहेब कांबळे
7. रत्नागिरी-सिंधुदुर्ग – नवीनचंद्र बांदिवडेकर
8. नागपूर – नाना पटोले
9. गडचिरोली – नामदेव उसेंडी
10. मुंबई उत्तर मध्य – प्रिया दत्त
11. मुंबई दक्षिण – मिलिंद देवरा
12. सोलापूर – सुशील कुमार शिंदे
13. चंद्रपूर : विनायक बांगडे
14. जालना : विलास औताडे
15. औरंगाबाद : सुभाष झांबड
16. भिवंडी : सुरेश टावरे
17. लातूर : मच्छिलिंद्र कामत

राष्ट्रवादी काँग्रेसचे (NCP) लोकसभेचे उमेदवार :

1. नाशिक – समीर भुजबळ
2. मावळ – पार्थ पवार
3. शिरुर – अमोल कोल्हे
4. दिंडोरी – धनराज महाले
5. बीड – बजरंग सोनवणे
6. रायगड – सुनील तटकरे
7. बारामती – सुप्रिया सुळे
8. सातारा – उदयनराजे भोसले
9. बुलडाणा – राजेंद्र शिंगणे
10. जळगाव – गुलाबराव देवकर
11. मुंबई उत्तर-पूर्व – संजय दीना पाटील
12. कोल्हापूर – धनंजय महाडिक
13. परभणी – राजेश विटेकर
14. ठाणे – आनंद परांजपे
15. कल्याण -बाबाजी पाटील
16. हातकणंगले – स्वाभिमानी शेतकरी संघटनेच्या राजू शेट्टी यांना पाठिंबा
17. अहमदनगर – संग्राम जगताप
18. उस्मानाबाद – राणा जगजीतसिंह पाटील
19. माढा – संजय शिंदे

निवडणुकीच्या तारखा जाहीर

केंद्रीय निवडणूक आयोगाने रविवारी 10 मार्चला लोकसभा निवडणूक 2019 च्या तारखा जाहीर केल्या. लोकसभेच्या 543 जागांसाठी 7 टप्प्यात मतदान होणार आहे. त्यासाठी आचारसंहिता लागू झाली आहे. 11, 18, 23, 29 एप्रिल, तर 6, 12 आणि 19 मे रोजी अशा सात टप्प्यात मतदान होईल. देशभरातील सर्व लोकसभा मतदारसंघाचा निवडणुकीचा निकाल 23 मे रोजी जाहीर होईल. केंद्रीय निवडणूक आयुक्त सुनिल अरोरा यांनी याबाबतची घोषणा केली.

लोकसभा निवडणूक : तुमच्यासाठी 5 अत्यंत महत्त्वाच्या बातम्या

महत्त्वाचं म्हणजे महाराष्ट्रात 11 एप्रिल 2019 रोजी पहिलं मतदान होईल. महाराष्ट्रातील 48 जागांसाठी चार टप्प्यात मतदान होणार आहे. पहिल्या टप्प्यात 11 एप्रिलला 7 जागांसाठी, दुसऱ्या टप्प्यात 18 एप्रिलला 10 जागांसाठी, तिसऱ्या टप्प्यात 23 एप्रिलला 14 जागांसाठी आणि चौथा टप्प्यात 29 एप्रिलला 17 जागांसाठी मतदान होणार आहे.