दिल्लीत राडा; महापौर निवडणुकीत धक्काबुक्की, AAP आणि भाजप आमने-सामने, काय घडतंय?

Image Credit source: social media

नवी दिल्लीः महानगर पालिका निवडणुकीत (MCD Election) भाजपाची १५ वर्षांची सत्ता उलथवून देत आम आदमी पार्टी (Aam Admi Party) सत्तेत आली.  मात्र आज महापौर आणि स्थायी समिती सदस्य निवडणुकीच्या दिवशी सभागृहात प्रचंड गदारोळ माजला. आज महापालिकेच्या सभागृहात महापौर निवडणुकीची प्रक्रिया पार पडणार आहे. आम आदमी पार्टी आणि भाजप या दोन्ही तगड्या पक्षाने या पदावर दावा केला आहे. कामकाजाच्या सुरुवातीलाच आप आणि भाजपचे नगरसेवकांमध्ये वादावादीला सुरुवात झाली आणि सभागृहात एकच गोंधळ उडाला.

250 सदस्यांच्या दिल्ली महापालिका निवडणुकीत आम आदमी पार्टीने 134 वॉर्डांमध्ये विजय मिळवला तर भाजपने 104 जागा जिंकल्या. काँग्रेसला 25 ठिकाणी सत्ता मिळाली.

आज जवळपास महिनाभरानंतर महापालिकेतील महापौर पदाची निवडणूक होत आहे. बहुमतात नसूनही भाजपने महापौर पदावर ऐनवेळी दावा ठोकल्याने ही निवडणूक अधिकच रंगात आली आहे.

आम आदमी पार्टीने आज नाम निर्देशित सदस्यांच्या शपथविधीला विरोध केला. आपच्या नगरसेवकांनी पिठासीन अधिकाऱ्याला घेराव घालून धक्का-बुक्की केली. यावेळी भाजप सदस्यांशीही बाचाबाची झाली. सध्या ही निवडणूक प्रक्रिया तहकूब करण्यात आली.

महापौर पदासाठी आम आदमी पार्टीने दोन तर भाजपने एक नामांकन अर्ज भरला आहे.

महापौर पदाच्या निवडणुकीत 273 सदस्य मतदान करणार आहेत. बहुमतासाठी 133 चा आकडा आवश्यक आहे.  आज जवळपास महिनाभरानंतर महापालिकेतील महापौर पदाची निवडणूक होत आहे. बहुमतात नसूनही भाजपने महापौर पदावर ऐनवेळी दावा ठोकल्याने ही निवडणूक अधिकच रंगात आली आहे.

महापौर पदासाठी आम आदमी पार्टीने दोन तर भाजपने एक नामांकन अर्ज भरला आहे.

आज कामकाजाच्या सुरुवातीलाच आम आदमी पार्टी आणि भाजपने परस्परांविरोधात जोरदार घोषणाबाजी केली. मतदानानापूर्वीच काँग्रेसच्या नगरसेवकांनी वॉक आउट केलं. यावरून आम आदमी पार्टीने जोरदार हल्ला चढवला.
भाजप आणि काँग्रेसदरम्यान बंद खोलीत चर्चा झाली आणि काँग्रेस भाजपाला समर्थन देणार असल्याचं ठरल्याचा आरोप आपने केला.