मध्य प्रदेशचे मुख्यमंत्री शिवराज सिंह चौहान यांना कोरोनाची लागण

भोपाळ : मध्य प्रदेशचे मुख्यमंत्री शिवराज सिंह चौहान यांना कोरोनाचा संसर्ग झाला आहे. स्वत: शिवराज सिंह चौहान यांनी सोशल मीडियाच्या माध्यमातून ही माहिती दिली. “माझ्या प्रिय प्रदेशवासियांनो, मला Covid-19 ची लक्षणे होती, त्यामुळे चाचणी केली असता, माझा रिपोर्ट पॉझिटिव्ह आला आहे”, असं शिवराज सिंह चौहान यांनी सांगितलं. (Shivraj Singh Chouhan tested positive for corona )

याशिवाज जे जे माझ्या संपर्कात आले आहेत, त्या सर्वांनी आपली कोरोना चाचणी करुन घ्यावी, शिवाय त्यांनी क्वारंटाईन व्हावं, असंही शिवराज सिंह चौहान म्हणाले.

मेरे प्रिय प्रदेशवासियों, मुझे #COVID19 के लक्षण आ रहे थे, टेस्ट के बाद मेरी रिपोर्ट पॉज़िटिव आई है। मेरी सभी साथियों से अपील है कि जो भी मेरे संपर्क में आए हैं, वह अपना कोरोना टेस्ट करवा लें। मेरे निकट संपर्क वाले लोग क्वारन्टीन में चले जाएँ।

— Shivraj Singh Chouhan (@ChouhanShivraj) July 25, 2020

शिवराज सिंह चौहान यांनी ट्वीट करुन आपल्या प्रकृतीची माहिती दिली. “कोरोनाबाबत ज्या मार्गदर्शिका आहेत, त्या सर्वांचं पालन कर आहे. डॉक्टरांच्या सल्ल्यानुसार स्वत:ला क्वारंटाईन करुन घेईन. माझं मध्य प्रदेशच्या जनतेला आवाहन आहे की, प्रत्येकाने खबरदारी घ्यावी. थोडासाही निष्काळजीपणा कोरोनाला निमंत्रण देतो. मी कोरोना संसर्गापासून वाचण्यासाठी अनेक प्रयत्न केले. मात्र अनेक लोक कामानिमित्त भेटायला येत होते”, असं मुख्यमंत्री शिवराज सिंह चौहान म्हणाले.

मैं #COVID19 की सभी गाइडलाइन्स का पालन कर रहा हूँ। डॉक्टर की सलाह के अनुसार स्वयं को क्वारन्टीन करूंगा। मेरी प्रदेश की जनता से अपील है कि सावधानी रखें, जरा सी असावधानी कोरोना को निमंत्रण देती है । मैंने कोरोना से बचने के हर संभव प्रयास किए लेकिन अनेक विषयों को लेकर लोग मिलते थे।

— Shivraj Singh Chouhan (@ChouhanShivraj) July 25, 2020

कोरोनाचा वेळेत उपचार होतो. कोरोना रुग्ण बरा होतो. मी 25 मार्चपासून दररोज संध्याकाळी कोरोना स्थितीची आढावा बैठक घेतो. आता या बैठका व्हिडीओ कॉन्फरन्सिंगद्वारे करण्याचा प्रयत्न करेन, असंही शिवराज सिंह चौहान यांनी नमूद केलं. (Shivraj Singh Chouhan tested positive for corona )