Gram Panchayat Election : पंढरपुरात राष्ट्रवादीचं वर्चस्व, महाडिकांना धक्का

मुंबई : राज्यात आज ग्रामपंचायतीच्या निवडणुकीचा (Gram Panchayat Election) निकाल टप्प्याटप्याने जाहीर होतं आहे. राज्यातल्या सात हजारहून अधिक ग्रामपंचायत निवडणुकांचा आज निकाल (Gram Panchayat Election Results 2022) निकाल जाहीर होणार आहे. त्यामुळे निवडणुकीत कोणाचा विजय होणार याकडे सगळ्यांचे लक्ष लागले आहे. सोलापूर (Solapur) जिल्ह्यातील पंढरपूर तालुक्यातील ग्रामपंचायतीला निकाल जाहीर झाला आहे. 11 ग्रामपंचायतीपैकी 7 ग्रामपंचायतीवरती राष्ट्रवादीची सत्ता आली आहे, राज्यात सत्तेत असलेल्या भाजपला फक्त चार ग्रामपंचायतीवर सत्ता मिळाली आहे. त्यामुळे संपुर्ण तालुक्यात राष्ट्रवादीचा माहोल असल्याचं पुन्हा एकदा सिद्ध झालं आहे.

आज सकाळी मतमोजणीला सुरुवात झाल्यापासून अनेक कार्यकर्ते तहसिल कार्यालयासमोर पाहायला मिळत होते. ज्यावेळी निवडणुकीचा निकाल जाहीर झाला. त्यावेळी राष्ट्रवादीच्या कार्यकर्त्यांनी जल्लोष साजरा केला. भाजपचे खासदार धनंजय महाडिक यांच्यासाठी हा खूप मोठा धक्का असल्याचं मानलं जात आहे.

ग्रामपंचायतींवर काँग्रेसचे माजी तालुकाध्यक्ष प्रकाश पाटील,अभिजित पाटील, कल्याणराव काळे, भगिरथ भालके यांच्या गटाला तालुक्यात सत्ता मिळविली आहे.