आव्हाड म्हणाले मुझफ्फर हुसेन यांची सल्तनत संपवयाची आहे; बंटी माझे काहीही बिघडू शकणार नाही, हुसेन यांचे प्रत्युत्तर
गृहनिर्माण मंत्री जितेंद्र आव्हाड यांनी भाजपाचे माजी आमदार नरेंद्र मेहता आणि काँग्रेसचे स्थानिक नेते मुझफ्फर हुसेन यांच्यावर जोरदार टीका केली आहे. आम्हाला एकीकडे नरेंद्र मेहता आणि दुसरीकडे सुलतान ए आजम सुलतान ए नया नगर यांची सल्तनत संपवयाची आहे, असे आव्हाड यांनी म्हटले.
मुंबई : गृहनिर्माण मंत्री जितेंद्र आव्हाड यांनी भाजपाचे माजी आमदार नरेंद्र मेहता आणि काँग्रेसचे स्थानिक नेते मुझफ्फर हुसेन यांच्यावर जोरदार टीका केली आहे. आम्हाला एकीकडे नरेंद्र मेहता आणि दुसरीकडे सुलतान ए आजम सुलतान ए नया नगर यांची सल्तनत संपवयाची आहे, असे आव्हाड यांनी म्हटले. ते मिरा-भाईंदरमध्ये अल्पसंख्यांक विभागाच्या कार्यालयाच्या उद्घाटनाप्रसंगी बोलत होते.
आव्हाडांच्या टीकेला प्रत्युत्तर
दरम्यान आव्हाड यांच्या या टीकेला मुझफ्फर हुसेन यांनी देखील जोरदार प्रत्युत्तर दिले आहे. सोमवारी राष्ट्रवादीची सभा झाली या सभेत मला त्यांनी सुलतान ए आजमची उपाधी दिली. तसेच त्यांनी माझी सल्तनत संपवायची आहे, असेही म्हटले असल्याचे मला अनेक पत्रकारांनी सांगितले. मी आव्हाड यांना सांगू इच्छितो की या देशात नाही तर जगात एकच सुलताने हिंद आहेत, ते म्हणजे हजरत ख्वाजा गरीब नवाज रहमुदुल्ला आले. त्यांचा आर्शीवाद माझ्यावर आहे. त्यामुळे आव्हाडांसारखे बंटी बबली माझे काहीही बिघडू शकणार नाहीत.
अल्पसंख्याक विभागाच्या कार्यालयाचे उद्घाटन
गृहनिर्माण मंत्री जितेंद्र आव्हाड याच्या हस्ते मिरा-भाईंदरमध्ये राष्ट्रवादीच्या अल्पसंख्याक विभागाच्या कार्यालयाचे उद्घाटन करण्यात आले. राष्ट्रवादी काँग्रेस पार्टी, मिरा भाईंदर शहर यांच्या वतीने शहरात हे कार्यालय सुरू करण्यात आले आहे. यावेळी बोलताना जितेंद्र आव्हाड यांनी चौफेर टीका केली. मात्र मुझफ्फर हुसेन यांच्यावक केलेली टीका आणि हुसेन यांनी आव्हाडांना दिलेले प्रत्युत्तर हा चर्चेचा विषय बनला.
संबंधित बातम्या
धक्कादायक: रस्त्यावरील खड्ड्यामुळे हादरे बसल्याने रायफलमधून सुटली गोळी, हिंगोलीत जवानाचा मृत्यू!
