पवारच खरे पैलवान, कार्यकर्त्यांकडून शरद पवारांना चांदीची गदा भेट

पवारच खरे पैलवान, कार्यकर्त्यांकडून शरद पवारांना चांदीची गदा भेट

मुंबई राष्ट्रवादी युवक कार्यकर्त्यांनी राष्ट्रवादीचे सर्वेसर्वा शरद पवार यांना चांदीची गदा भेट दिली (Sharad Pawar Gada). शरद पवारांना गदा भेट देऊन या कार्यकर्त्यांनी महाराष्ट्रतील राजकारणातले खरे पैलवान हे शरद पवार असल्याचा संदेश दिला.

Nupur Chilkulwar

|

Oct 28, 2019 | 8:11 PM

बारामती : मुंबई राष्ट्रवादी युवक कार्यकर्त्यांनी राष्ट्रवादीचे सर्वेसर्वा शरद पवार यांना चांदीची गदा भेट दिली (Sharad Pawar Gada). शरद पवारांना गदा भेट देऊन या कार्यकर्त्यांनी महाराष्ट्रतील राजकारणातले खरे पैलवान हे शरद पवार असल्याचा संदेश दिला. या कार्यकर्त्यांनी पवारांना तब्बल दोन किलो चांदीची गदा विजयी पैलवान म्हणून दिली (Sharad Pawar Gada).

महाराष्ट्र विधानसभा निवडणुकांमध्ये मुख्यमंत्री देवेंद्र फडणवीस आणि शरद पवारांमध्ये राजकीय आखाडा रंगला (Sharad Pawar vs CM Devendra Fadnavis). महाराष्ट्राचा खरा पैलवान कोण याच मुद्यावर यंदाची निवडणूक लढल्या गेल्याचं चित्र पाहायला मिळालं. मुख्यमंत्री आणि शरद पवारांनी एकमेकांवर अनेक ताशेरे ओढले, टीका केल्या. एकीकडे मुख्यमंत्र्यांनी निवडणुकीत पैलवान दिसत नसल्याची टीका केली, तर दुसरीकडे शरद पवारांनी कुस्ती अशांची होन नाही म्हणत फडणवीसांवर निशाणा साधला होता.

त्यानंतर निवडणुकांचे निकाल हाती आले आणि राष्ट्रवादीने युतीला जबरदस्त टफ फाईट दिली. ‘अब की बार 220 पार’, म्हणणाऱ्या भाजपला 105 जागांवर समाधान मानावे लागले. तर सर्व एक्झिट पोलला खोटं ठरवत पवारांच्या राष्ट्रवादीने राज्यात 54 जागा काबिज केल्या. त्यामुळे राज्याच्या आखाड्यात एकमेव शरद पवार आहेत अशी भावना या कार्यकर्त्यांनी व्यक्त केली.

पवारांना चांदीची गदा देत राष्ट्रवादीकडून मुख्यमंत्री या राजकीय आखाड्यात चितपट झाल्याचा निकालच जणू या कार्यकर्त्यांनी दिला. त्यामुळे ही गदा भाजपच्या जिव्हारी लागण्याची शक्यता आहे.

पवार कुटुंबाने दरवर्षीप्रमाणे यंदाही कार्यकर्त्यांसोबत राजकीय दिवाळी साजरी केली. बारामतीतील शरद पवार यांच्या गोविंद बाग या निवास स्थानी ही दिवाळी भेट पार पडली. या वेळी मुंबई राष्ट्रवादी युवक कार्यकर्त्यांनी शरद पवारांनी ही गदा भेट दिली.

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें