सुप्रिया सुळे म्हणाल्या, झेपत नसेल तर राजीनामा द्या, महापौर मोहोळ म्हणाले, ‘तुमचं पुण्यात येणं कमी झालंय, तेव्हा…’

सुप्रिया सुळे म्हणाल्या, झेपत नसेल तर राजीनामा द्या, महापौर मोहोळ म्हणाले, 'तुमचं पुण्यात येणं कमी झालंय, तेव्हा...'
मुरलीधर मोहोळ आणि सुप्रिया सुळे

महापौर मुरलीधर मोहोळ यांनी सुप्रिया सुळे यांना सडेतोड प्रत्युत्तर दिलंय. मला सल्ला देण्याऐवजी स्वत: आत्मपरीक्षण करावं, असं मोहोळ म्हणाले. (Pune Mayor Murlidhar Mohol Answer NCP MP Supriya Sule)

टीव्ही 9 मराठी डिजीटल टीम

| Edited By: Akshay Adhav

Jun 25, 2021 | 2:02 PM

पुणे :  पुण्यातील आंबील ओढ्यालगत (Ambil Odha Pune) असलेल्या घरांवर काल पुणे महानगरपालिकेने (Pune Municipal Carporation) कोणताही विचार न करता, सहानभूती न दाखवता बुलडोझर चालवला. महापालिकेच्या असंवेदनशील कृतीवर बोलताना राष्ट्रवादीच्या खासदार सुप्रिया सुळे (Supriya Sule) चांगल्याच भडकल्या. झेपत नसेल तर पुण्याच्या महापौरांनी राजीनामा द्यावा, अशी मागणी सुप्रिया सुळे यांनी केली. त्यावर महापौर मुरलीधर मोहोळ (murlidhar Mohol) यांनी सुप्रिया सुळे यांना सडेतोड प्रत्युत्तर दिलंय. मला सल्ला देण्याऐवजी स्वत: आत्मपरीक्षण करावं, असं मोहोळ म्हणाले. (Pune Mayor Murlidhar Mohol Answer NCP MP Supriya Sule over Ambil Odha Action)

सुप्रिया सुळेंचं पुण्यात येणं कमी झालंय

आंबिल ओढ्यालगतच्या घरांवर कोणाच्या दबावाखाली कारवाई करण्यात आली हे सर्वांना माहिती आहे. सुप्रिया सुळे यांचं पुण्यात येणं कमी झालेलं आहे. तेव्हा सुप्रिया सुळे यांनी माहिती घेऊन बोललं तर बरं होईल, असं महापौर मोहोळ म्हणाले.

राजीनाम्याच्या मागणीवर महापौरांचं सुप्रिया सुळेंना सडेतोड प्रत्युत्तर

झेपत नसेल तर पुण्याच्या महापौरांनी राजीनामा द्यावा, अशा शब्दात सुप्रिया सुळे यांनी महापौर मुरलीधर मोहोळ यांच्यावर निशाणा साधला होता. त्यांच्या टीकेला महापौर मोहोळ यांनी तडेतोड प्रत्युत्तर दिलंय. मला झेपत नसेल तर राजीनामा देण्याचा सल्ला देण्याऐवजी स्वतः आत्मपरीक्षण करावं, असं उत्तर मुरलीधर मोहोळ यांनी सुप्रिया सुळेंना दिलं.

सुप्रिया सुळे काय म्हणाल्या होत्या…?

आंबिल ओढ्यालगत असलेल्या घरांवर पुणे महापालिकेने (Pune Municipal corporation) केलेल्या कारवाईवरुन, राष्ट्रवादीच्या खासदार सुप्रिया सुळे (Supriya Sule) यांनी महापौर मुरलीधर मोहोळ यांच्यावर हल्लाबोल केला होता. पुण्याच्या महापौरांना झेपत नसेल तर त्यांनी राजीनामा द्यावा, असं सुप्रिया सुळे म्हणाल्या. त्या पुण्यात बोलत होत्या. “पुण्याच्या घटनेची चौकशी व्हावी. महापौरांनी उत्तर द्यावे. आंबिल ओढ्यावरील कारवाई कुणी केली हे सर्वांना माहिती आहे. पुणे महापालिकेत सत्ता कुणाची आहे तर भाजपची. त्यामुळे महापौरांना जर झेपत नसेल तर त्यांनी राजीनामा द्यावा” असं सुप्रिया सुळे म्हणाल्या.

(Pune Mayor Murlidhar Mohol Answer NCP MP Supriya Sule over Ambil Odha Action)

संबंधित बातमी :

झेपत नसेल तर राजीनामा द्या, पुण्याच्या महापौरांवर सुप्रिया सुळे कडाडल्या

Follow us on

Most Read Stories

Click on your DTH Provider to Add TV9 MARATHI

राज्य चुनें