सभांचा झंझावात सुरु, नांदेडमधील पहिल्या सभेसाठी राज ठाकरे रवाना

मुंबई : मनसे अध्यक्ष राज ठाकरे यांच्या सभांचा झंझावात शुक्रवारपासून सुरु होतोय. नांदेडमधील पहिल्या सभेसाठी ते मुंबईहून देवगिरी एक्स्प्रेसने गुरुवारी रात्री नऊ वाजता रवाना झाले. मनसेचे त्यांचे सहकारीही त्यांच्यासोबत आहेत. महाराष्ट्रातील विविध ठिकाणी दहा ठिकाणी राज ठाकरे सभा घेणार आहेत. यातील पहिली सभा काँग्रेसचे उमेदवार अशोक चव्हाण यांचा बालेकिल्ला नांदेडमध्ये आहे. लोकसभेच्या दुसऱ्या टप्प्यात मराठवाड्यातील […]

सभांचा झंझावात सुरु, नांदेडमधील पहिल्या सभेसाठी राज ठाकरे रवाना
सचिन पाटील

| Edited By:

Jul 05, 2019 | 4:02 PM

मुंबई : मनसे अध्यक्ष राज ठाकरे यांच्या सभांचा झंझावात शुक्रवारपासून सुरु होतोय. नांदेडमधील पहिल्या सभेसाठी ते मुंबईहून देवगिरी एक्स्प्रेसने गुरुवारी रात्री नऊ वाजता रवाना झाले. मनसेचे त्यांचे सहकारीही त्यांच्यासोबत आहेत. महाराष्ट्रातील विविध ठिकाणी दहा ठिकाणी राज ठाकरे सभा घेणार आहेत. यातील पहिली सभा काँग्रेसचे उमेदवार अशोक चव्हाण यांचा बालेकिल्ला नांदेडमध्ये आहे.

लोकसभेच्या दुसऱ्या टप्प्यात मराठवाड्यातील औरंगाबाद वगळता इतर सर्व जागांसाठी मतदान होणार आहे. नांदेडचाही यामध्ये समावेश आहे. त्यापूर्वी राज ठाकरे सभा घेऊन राजकीय वातावरण ढवळून काढणार आहेत. या निवडणुकीत मनसेने एकही उमेदवार न देता पंतप्रधान नरेंद्र मोदी आणि भाजपाध्यक्ष अमित शाह यांच्याविरोधात प्रचार करण्याचं जाहीर केलंय. माझ्या सभांचा फायदा आघाडीला होत असेल तर तो होऊ द्या, असं राज ठाकरेंनी म्हटलं होतं.

नांदेड शहरातील नवीन मुंडा मैदानावर उद्या म्हणजे शुक्रवारी सायंकाळी साडे पाच वाजता राज ठाकरेंची सभा होईल. यानंतर 15 तारखेला सोलापूर, 16 तारखेला कोल्हापूर, 17 तारखेला सातारा, 18 तारखेला पुणे आणि 19 तारखेला रायगड जिल्ह्यातील महाडमध्ये राज ठाकरे यांची सभा होईल. या सर्व सभांची वेळ सायंकाळी साडे पाच वाजता ठेवण्यात आली आहे.

राज ठाकरेंचा दौरा

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें