Breaking | शिवसेना आमदार रविंद्र वायकर यांची आठ तास ईडीकडून चौकशी, कोणत्या प्रकरणात अडचणीत?
नेमक्या कोणत्या प्रकरणी त्यांनी ईडीनं चौकशीसाठी बोलावलं होतं, हे अद्याप स्पष्ट झालेलं नाही. वेगवेगळ्या प्रकरणांमध्ये त्यांची चौकशी करण्यात आली असल्याचं वृत्त हाती येतंय.
मुंबई : शिवसेना आमदार (Shiv sena MLA) रविंद्र वायकर (Ravindra Waikar) यांची आठ तास ईडीकडून चौकशी करण्यात आली आहे. तब्बल आठ तास रविंद्र वायकर ईडीच्या प्रश्नांना सामोरे गेले. नेमक्या कोणत्या प्रकरणी त्यांनी ईडीनं चौकशीसाठी बोलावलं होतं, हे अद्याप स्पष्ट झालेलं नाही. वेगवेगळ्या प्रकरणांमध्ये त्यांची चौकशी करण्यात आली असल्याचं वृत्त हाती येतंय.
रविंद्र वायकर
8 तास कसून चौकशी
रविंद्र वायकर हे आज दुपारच्या सुमारास ईडी (Enforcement Directorate) कार्यालयात हजर झाले होते. त्यानंतर तब्बल 8 तास त्यांची ईडी कार्यालयात कसून चौकशी करण्यात आली. 8 तास शिवसेना आमदार रविंद्र वायकर हे ईडीच्या प्रश्नांना सामोरे गेले. त्यांना नेमकं कोणत्याप्रकरणी ईडीनं चौकशीसाठी बोलावलं होतं, याबाबत अद्याप कोणतीही माहिती मिळू शकलेली नाही. वेगवेगळ्या प्रकरणांच्या अनुशंगानं ईडीनं रविंद्र वायकर यांना चौकशीसाठी समन्स बजावलं असल्याचं कळतंय. त्यानुसार रविंद्र वायकर हे चौकशीसाठी हजर झाले होते. आज झालेल्या या चौकशीतून आता नेमकं काय बाबी समोर आल्यात, हे लवकरच स्पष्ट होण्याची शक्यता आहे.
चौकशीपूर्वी कमालीची गुप्तता
रविंद्र वायकर हे माजी मंत्री होते. गेल्या सरकारमध्ये त्यांना मंत्रिपद देण्यात आलं होतं. रविंद्र वायकर हे मुख्यमंत्री आणि शिवसेना पक्षप्रमुख उद्धव ठाकरे (Uddhav Thackarey) यांच्या जवळचे म्हणून ओळखले जातात. त्याच्या ईडी चौकशीचं नेमकं कारण काय होतं, यावरुन तर्कवितर्कांना उधाण आलंय. मात्र अद्यात या चौकशीबाबात कमालीची गुप्तता बाळगण्यात आली असून कोणत्या प्रकरणी रविंद्र वायकर हे ईडी कार्यालयात चौकशीसाठी गेले होते, हे कळू शकलेलं नाही.
इतर राजकीय बातम्या –
जयंत पाटील शेकापच्या पाटलांना चहा देत होते, पण अजितदादांनी थांबवलं! वाचा नेमकं काय घडलं?
चंद्रकांत पाटलांचं राष्ट्रपती राजवटीबाबत वक्तव्य, अजित पवार म्हणतात, धन्य आहोत!
