Pune Lockdown | पुण्यात कडकडीत लॉकडाऊन, आयटी, दूरसंचार कंपन्या, एमआयडीसी क्षेत्र सुरुच राहणार

पुण्यात कोरोनाच्या पार्श्वभूमीवर दहा दिवसांचा कडकडीत लॉकडाऊन घोषित करण्यात आला आहे. हा लॉकडाऊन आज (13 जुलै) मध्यरात्रीपासून सुरु झाला आहे (Industries and IT sectors will function during Lockdown in Pune)

Pune Lockdown | पुण्यात कडकडीत लॉकडाऊन, आयटी, दूरसंचार कंपन्या, एमआयडीसी क्षेत्र सुरुच राहणार

पुणे : पुण्यात कोरोनाच्या पार्श्वभूमीवर दहा दिवसांचा कडकडीत लॉकडाऊन घोषित करण्यात आला आहे. हा लॉकडाऊन आज (13 जुलै) मध्यरात्रीपासून सुरु झाला आहे (Industries and IT sectors will function during Lockdown in Pune). दरम्यान, या लॉकडाऊन काळात सर्व औद्योगिक आस्थापना, आयटी कंपन्या, दूरसंचार कंपन्या आणि एमआयडीसी क्षेत्र सुरुच राहणार आहेत. या कंपन्यांमधील अधिकारी, कामगार यांना रोजच्या प्रवासासाठी पोलीस पासची गरज नसेल, अशी माहिती पुण्याचे विभागीय आयुक्त दीपक म्हैसेकर आणि जिल्हाधिकारी विक्रम कुमार यांनी दिली.

लॉकडाऊनच्या पार्श्वभूमीवर उद्योग, आस्थापनांनी त्यांच्या कामगार, कर्मचाऱ्यांना दिलेले पासेस, पुणे महापालिका, पिंपरी- चिंचवड महापालिका तसेच पुणे ग्रामीण क्षेत्रात येण्या-जाण्यास पात्र राहतील, असं विभागीय आयुक्तांनी सांगितलं आहे (Industries and IT sectors will function during Lockdown in Pune).

Mahafast 100 | बुलेटच्या वेगाने 100 बातम्या, ‘महाफास्ट’ रोज रात्री 7.56 वा. टीव्ही 9 मराठीवर 

“कंपन्यांच्या एचआर विभाग प्रमुखाने कंपनीच्या लेटरहेडवर वाहन परवाना द्यावा. या परवान्यांची माहिती एचआरने संबंधित पोलीस आयुक्त आणि पोलीस स्टेशन प्रभारी यांना द्यावी. कामगार-अधिकाऱ्यांनी कंपनीने दिलेला वाहन परवाना सोबत ठेवणे बंधनकारक असेल”, अशी माहिती विभागीय आयुक्त दीपक म्हैसेकर यांनी दिली.

“मेडिकल कर्मचारी, सफाई कर्मचारी आणि रुग्णवाहिकांना शहरांतर्गत वाहतुकीसाठी वेगळ्या पासची अथवा परवानगीची गरज नाही. तसेच पेट्रोल पंप आणि गॅस पंप सकाळी 9 ते संध्याकाळी 6 या वेळेत शासकीय, अत्यावश्यक सेवेतील तसेच परवानगी दिलेल्या कंपन्यांच्या वाहनांसाठी सुरु राहतील”, असं दीपक म्हैसेकर यांनी सांगितलं

“पुण्यात मोठ्या ब्रेकनंतर पुन्हा सुरु झालेले एमआयडीसी क्षेत्र सुरुच राहणार आहेत. पण जिल्ह्यात पाचपेक्षा अधिक कोरोना पॉझिटिव्ह रुग्ण सापडलेल्या ग्रामपंचायतींमध्ये कटेन्मेंट झोनची कडक अंमलबजावणी करण्याचे आदेश देण्यात आले आहेत. चाकण, तळेगाव, रांजणगाव, बारामती, जेजुरी, कुरकुंभसह जिल्ह्यातील सर्व एमआयडीसी क्षेत्र सुरु राहतील”, असं दीपक म्हैसेकर यांनी स्पष्ट केलं.

“ग्रामीण भागातील कंटेन्मेंट झोनच्या बाहेर असलेल्या सर्व ग्रामपंचायती, तालुक्याच्या ठिकाणची शेती संबंधित खते, औषधे आणि अवजारांच्या दुकानांवर कोणत्याही प्रकारची निर्बंध घालण्यात आलेले नाहीत”, अशी माहितीदेखील म्हैसेकर यांनी दिली.

संबंधित बातमी : Pune Lockdown Rules | पुण्यात लॉकडाऊनची नियमावली जाहीर, काय सुरु काय बंद?

कमेंट करा

कमेंट करा

Your email address will not be published. Required fields are marked *