पिंपरी चिंचवडला ‘कोरोना’चा विळखा, तळवडे-चिखलीत 34 रुग्ण, कोणत्या प्रभागात किती?

पिंपरी चिंचवड : पिंपरी चिंचवड शहरातील कोरोनाग्रास्तांचा आकडा 142 वर गेला आहे. यमुनानगर, तळवडे, चिखली हा परिसर असलेल्या ‘फ’ प्रभागात सध्या सर्वाधिक कोरोनाग्रस्त सापडले आहेत. (Pimpari Chinchwad Ward wise Corona Patients)

पिंपरी चिंचवड शहरातील 132, तर उपचारासाठी दाखल असलेल्या शहराबाहेरील 10 अशा एकूण 142 रुग्णांना आतापर्यंत ‘कोरोना’ची लागण झाल्याचं समोर आलं आहे. शहरातील तीन, तर शहराबाहेरील 2 अशा पाच रुग्णांना कोरोनामुळे प्राण गमवावे लागल्याची नोंद आहे.

पिंपरी चिंचवड शहरातील रुग्णालयातून 55, तर शहराबाहेरील रुग्णालयातून 2 असे एकूण 57 रुग्ण आतापर्यंत कोरोनामुक्त झाले आहेत. महापालिका रुग्णालयात उपचार सुरु असलेल्या रुग्णांची संख्या 76 इतकी आहे.

पिंपरी चिंचवडमध्ये काल दुपारपर्यंत (5 मे) ‘कोरोना’चे 9 नवे रुग्ण आढळले होते. सकाळी तीन, तर दुपारी 6 रुग्णांचा रिपोर्ट कोरोना पॉझिटिव्ह आला होता. यात दोन लहान मुलांचाही समावेश होता. यातील तीन रुग्ण हे रुपीनगर भागातील आहेत. पिंपरी चिंचवड शहरात रुपीनगर हा कोरोनाचा हॉटस्पॉट ठरत आहे. आतापर्यंत या भागात सर्वाधिक 35 रुग्ण आढळले आहेत.

प्रभागनिहाय पाहता ‘फ’ प्रभागात सध्या सर्वाधिक म्हणजे 34 अॅक्टिव्ह कोरोना पॉझिटिव्ह रुग्ण आहेत. काळेवाडी, चिंचवड, रावेत हा परिसर असलेल्या ‘ब’ प्रभागात सध्या एकही रुग्ण नाही.

5 मेपर्यंत असलेल्या अॅक्टिव्ह कोरोना पॉझिटिव्ह 76 रुग्णांची प्रभागनिहाय आकडेवारी

प्रभाग अ – निगडी, प्राधिकरण, आकुर्डी – 05

प्रभाग ब – काळेवाडी, चिंचवड, रावेत – 00

प्रभाग क – इंद्रायणीनगर, नेहरुनगर, अजमेरा कॉलनी – 04

(Pimpari Chinchwad Ward wise Corona Patients)

प्रभाग ड – वाकड, पिंपळे-सौदागर, ताथवडे – 11

प्रभाग ई – भोसरी, मोशी, चऱ्होली – 09

प्रभाग फ – यमुनानगर, तळवडे, चिखली – 34

प्रभाग ग – पिंपरी, थेरगाव, रहाटणी – 05

प्रभाग ह – दापोडी, कासरवाडी, सांगवी – 08

पुण्याबाहेर जाणाऱ्या 68 हजार जणांची यादी तयार, स्वखर्चाची अटhttps://t.co/J2RfxRDnZR #Pune

— TV9 Marathi (@TV9Marathi) May 6, 2020

संबंधित बातम्या : 

भवानी पेठेत चारशेपार कोरोनाग्रस्त, ढोले पाटील रोडवर 314 रुग्ण, पुण्यात कोणत्या प्रभागात किती?

(Pimpari Chinchwad Ward wise Corona Patients)