Shani Amavasya: शनी अमावास्येच्या दिवशी राशीनुसार करा दान, संकटातून होईल मुक्तता

शनी मार्गी

Image Credit source: Social Media

ज्योतिषशास्त्रात (Astrology) शनिवार हा शनिदेवाच्या उपासनेसाठी समर्पित आहे. दुसरीकडे, जेव्हा अमावस्या (Shani Amavasya) तिथी शनिवारी येते तेव्हा तिला शनिश्चरी अमावस्या किंवा शनि अमावस्या म्हणतात. या वर्षी 2022 ची शेवटची शनि अमावस्या आज 27 ऑगस्ट रोजी आहे. या दिवशी दोन शुभ योग जुळून आले आहेत. पहिली म्हणजे या तिथीला शनिदेव मकर राशीत बसलेले आहेत आणि दुसरे म्हणजे ही शनि अमावस्या भाद्रपद महिन्यात येत आहे. चला तर मग जाणून घेऊया ज्योतिषशास्त्रानुसार शनिदेवाला प्रसन्न करण्यासाठी राशीनुसार कोणत्या गोष्टींचे दान केले जाऊ शकते.

1. मेष- मेष राशीचे लोक शनि अमावस्येच्या दिवशी काळे तीळ आणि मोहरीचे तेल दान करू शकतात.
2. वृषभ- ज्योतिष शास्त्रानुसार शनिदेवाला प्रसन्न करण्यासाठी वृषभ राशीच्या लोकांनी गरजू लोकांना काळे ब्लँकेट दान करावे.
3. मिथुन- या राशीच्या लोकांनी शनि अमावस्येच्या दिवशी काळ्या वस्त्रांचे दान करावे.
4. कर्क- शनिदेवाची कृपा प्राप्त करण्यासाठी कर्क राशीच्या लोकांनी शनि अमावस्येच्या दिवशी मोहरीचे तेल आणि उडीद डाळ दान करणे शुभ मानले जाते.
5. सिंह- सिंह राशीचे लोक शनीच्या प्रकोपापासून वाचण्यासाठी सोने, तांब्याच्या वस्तू, तांदूळ किंवा तूप दान करू शकतात.
6. कन्या- या राशीच्या लोकांनी शनी अमावस्येच्या दिवशी बूट, चप्पल आणि छत्री दान करावी.
7. तूळ- शनि अमावस्येच्या दिवशी तांदूळ, साखर, काळे कपडे आणि काळी छत्री दान करणे तुला राशीच्या लोकांसाठी शुभ मानले जाते.
8. वृश्चिक राशी- ज्योतिष शास्त्रानुसार वृश्चिक राशीच्या लोकांनी लोखंडी वस्तू दान कराव्यात.
9. धनु- शनि अमावस्येच्या दिवशी शनिदेवाला प्रसन्न करण्यासाठी पिवळे कपडे, फळे आणि हळद दान करा.
10. मकर- मकर राशीच्या लोकांनी शनी अमावस्येच्या दिवशी गोठ्यात सेवा करून चारा दान करावा.
11. कुंभ- कुंभ राशीच्या लोकांनी शनि महाराजांना प्रसन्न करण्यासाठी कुष्ठरुग्णांसाठी औषधांचे दान करावे आणि त्यांची सेवा करावी.
12. मीन- या राशीच्या लोकांनी तूप आणि तीळ दान करावे.

(वरील माहिती उपलबध स्रोतावरून देण्यात आलेली आहे.याच्या तथ्यांबद्दल आम्ही कुठलाही दावा करीत नाही,तसेच अंधश्रद्धेला दुजोरा देत नाही)