Vastu Shastra : सारखी भांडणं होतायेत, मग ही झाडं तर तुमच्या घरात नाहीयेत ना? वास्तुशास्त्र काय सांगतं?
हिंदू धर्मशास्त्रामध्ये वास्तुशास्त्राला खूप महत्त्व आहे. वास्तुशास्त्रानुसार आपण आपल्या दैनंदिन जीवनात अशा काही चुका करतो, ज्यामुळे तुमच्या घरात वास्तुदोष निर्माण होतो. घरात वास्तुदोष निर्माण झाल्यास आयुष्यात अचानक पैशांची अडचण जाणवू लागते, घरात काहीही कारण नसताना भांडणं सुरू होतात, अशी लक्षणं दिसू लागतात.
हिंदू धर्मशास्त्रामध्ये वास्तुशास्त्र महत्त्वाचं माण्यात आलं आहे. हिंदू धर्मशास्त्रानुसार घराची रचना ही नेहमी वास्तुशास्त्राप्रमाणेच असली पाहिजे. त्यामुळे घराला सुख, समृद्धी आणि आर्थिक स्थैर्याची प्राप्ती होते. मात्र आपण आपल्या दैनंदिन जीवनात अशा काही छोट्या-छोट्या चुका करत असतो, ज्यामुळे देखील घरात वास्तुदोष निर्माण होतो. घरात वास्तुदोष निर्माण झाल्यास विविध मार्गाने तुमच्या आयुष्यात अडचणी येऊ शकतात. जसं एखादं काम तुमच्यासाठी खूप महत्त्वाचं आहे, परंतु त्या कामासाठी अचानक विलंब होतो. त्यामुळे तुमचं मोठं नुकसान होण्याची शक्यता असते. तसेच काहीही कारण नसताना देखील घरात अचानक वादविवाद वाढू लागतात. हे देखील वास्तुदोषाचं आणखी एक लक्षण आहे. दरम्यान वास्तुशास्त्रानुसार काही मूर्ती आणि झाडं हे खूप शुभ असतात, ते जर तुम्ही तुमच्या घरात ठेवले तर तुमची भरभराट होते. परंतु अशा देखील काही मूर्ती आणि झाडं आहे, ते जर तुमच्या घरात असतील तर त्यामुळे तुमच्या आयुष्यात अडचणी निर्माण होऊ शकतात. अशाच काही झाडांबद्दल आज आपण माहिती जाणून घेणार आहोत. चला तर मग पाहूयात वास्तुशास्त्रामध्ये नेमकं काय सांगितलं आहे? त्याबद्दल.
काटे कोरांटीचं झाड – काटे कोरांटी हे एक सुंदर फुलं असणारं झाडं आहे. या झाडाला सुंदर अशी पिवळी फुलं येतात. त्यामुळे अनेकजण हे फुलांचं झाडं आपल्या घरात लावतात. परंतु हे झाड घरात लावू नये, असं वास्तुशास्त्रामध्ये सांगण्यात आलं आहे. अशा झाडांमुळे घरात गृहकलह वाढतो, घरात सतत भांडणं होतात. काटे कोरांटीच नाही तर काट्याचं कोणतंही झाडं घरत लावू नये. याल फक्त एकच झाड अपवाद आहे, ते म्हणजे गुलाब.
निवडूंग – निवडूंग हे साधारणपणे वाळवंटी भागात वाढणारी वनस्पती आहे, ही वनस्पती दिसायला खूप आकर्षक असते. या वनस्पतीला लाल आणि गोड फळे येतात. परंतु या वनस्पतीला प्रचंड काटे असतात. अशी वनस्पती घरात किंवा घराच्या परिसरात लावू नये, यामुळे घरात आर्थिक समस्या निर्माण होतात, हातात पैसा टिकत नाही, असं वास्तुशास्त्रामध्ये सांगण्यात आलं आहे. या झाडाला खोड नसते, तर पानच खोडाचं काम करतात.
बोरीचं झाडं – बोरं अनेकांना खायला आवडतात. परंतु घराच्या समोर घरात किंवा घराच्या बागेत बोरीचं झाडं असू नये, असा सल्ला वास्तुशास्त्रामध्ये देण्यात आला आहे.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)
