Vastu Shastra : ही तीन झाडं कधीच घराच्या मुख्य दरवाजा समोर लावू नयेत, वास्तुशास्त्र काय सांगतं?
हिंदू धर्मामध्ये काही झाडांना अत्यंत शुभ माण्यात आलं आहे, तर काही झाडं ही घरात असू नये, असं म्हटलं आहे. कोणती झाडं शुभ आहेत? कोणती झाडं अशुभ आहेत आणि ती घरात लावल्यामुळे काय होतं? याची माहिती वास्तुशास्त्रात देण्यात आली आहे, आज आपण त्याबद्दल माहिती घेणार आहेत.
वास्तुशास्त्र हे एक असं शास्त्र आहे, ज्यामध्ये केवळ तुमचं घर कसं असावं? तुमच्या घराची रचना कशी असावी? याबद्दलच माहिती देण्यात आलेली नाहीये. तर वास्तुशास्त्रानुसार तुमच्या घरात जेवढ्या काही वस्तू आहेत, त्याचा शुभ किंवा अशुभ प्रभाव हा तुमच्यावर पडत असतो. तसेच घरातील प्रत्येक वस्तूंची एक निश्चित दिशा देखील असते. त्याच दिशेला त्या वस्तू ठेवल्या गेल्या पाहिजेत, असं देखील वास्तुशास्त्रामध्ये म्हटलं आहे. वास्तुशास्त्रानुसार आणि हिंदू धर्मानुसार काही झाडं ही अतिशय शुभ असतात, अशा झाडांना घरात लावण्याचा सल्ला दिला जातो, परंतु काही झाडं अशी असतात जी झाडं घरात किंवा घराच्या मुख्य दरवाजासमोर लावू नयेत, कोणती झाडं घरात लावणं शुभ आहे? कोणती झाडं घरात लावू नयेत? जर ही झाडं घरात लावली तर त्याचा काय परिणाम होऊ शकतो? या सर्व गोष्टींची आपण आज माहिती जाणून घेणार आहोत. चला तर मग जाणून घेऊयात वास्तुशास्त्रामध्ये नेमकं काय सांगितलं आहे? त्याबद्दल.
वडाचं झाड – वास्तुशास्त्रामध्ये आणि हिंदू धर्मामध्ये वडाच्या झाडाला खूप महत्त्व आहे. हिंधू धर्मामध्ये वडाच्या झाडाची पूजा केली जाते. वट पौर्णिमेला महिला आपल्या पतीच्या दीर्घायुषासाठी या झाडाची पूजा करतात. परंतु तरी देखील हे झाड घराच्या मुख्य दरवाजासमोर नसावं, असं वास्तुशास्त्रामध्ये म्हटलं आहे. त्याचं महत्त्वाचं कारण म्हणजे कोणत्याही झाडाची सावली ही घराव पडू नये, त्यामुळे घराच्या आर्थिक प्रगतीमध्ये अडथळे निर्माण होतात, असं वास्तुशास्त्र सांगतं. वट वृक्ष हा मोठा वृक्ष असल्यामुळे त्याची सावली तुमच्या संपूर्ण घरावर पडू शकते, त्यामुळे वडाचं झाड घराच्या मुख्य दरवाजाजवळ असू नये, असं वास्तुशास्त्रात सांगण्यात आलं आहे.
केळीचं झाड – केळीच्या झाडाला देखील हिंदू धर्मामध्ये अत्यंत पवित्र माण्यात आलं आहे, विविध धार्मिक कार्यक्रमासाठी केळीच्या पानांचा उपयोग होतो. काही ठिकाणी तर केळीच्या झाडाची पूजा देखील केली जाते. परंतु तरी देखील केळीचं झाड हे घराच्या मुख्य दरवाजासमोर असू नये, असं वास्तुशास्त्र सांगतं, कारण यामुळे घरात अकाल मृत्यू योग तयार होण्याची भीती असते, असं वास्तुशास्त्रात सांगितलं आहे.
शेवग्याचं झाड – वास्तुशास्त्रानुसार घराच्या मुख्य दरवाजासमोर कधीही शेवग्याचं झाडं असू नये, कारण यामुळे तुमच्या आर्थिक प्राप्तीच्या मार्गात अडथळे निर्माण होतात, असं वास्तुशास्त्रात सांगण्यात आलं आहे.
(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही. तसेच अंधश्रद्धेला दुजोरा देत नाही)
