India vs Australia 2020 | 24 डावात 7 अर्धशतकं, 839 धावा, मात्र शतकी खेळी करण्यास विराट कोहली अपयशी

| Updated on: Nov 30, 2020 | 11:29 AM

विराटने ऑस्ट्रेलियाविरोधातील दुसऱ्या एकदिवसीय सामन्यात 89 धावांची खेळी केली.

India vs Australia 2020 | 24 डावात 7 अर्धशतकं, 839 धावा, मात्र शतकी खेळी करण्यास विराट कोहली अपयशी
Follow us on

सिडनी : ऑस्ट्रेलियाने ( team Australia) टीम इंडियावर (Team India) दुसऱ्या एकदिवसीय सामन्यात 51 धावांनी विजय मिळवला. या विजयासह ऑस्ट्रेलियाने मालिकाही जिंकली. ऑस्ट्रेलियाने 3 एकदिवसीय सामन्यांच्या मालिकेत 2-0 अशी आघाडी घेतली. कर्णधार विराट कोहलीने (Virat Kohli) या दुसऱ्या सामन्यात 89 धावांची झुंजार खेळी केली. मात्र विराट टीम इंडियाला विजय मिळवून देण्यास अपयशी ठरला. विराटच्या झुंजार खेळीनंतरही त्याच्या नावे काही नकोसे विक्रम झाले आहेत. 7 half centuries 839 runs in 24 innings but Virat Kohli failed to score a century

विराटने गेल्या 24 डावांमध्ये 39.95 च्या सरासरीने 839 धावा केल्या आहेत. यामध्ये त्याने 7 अर्धशतकं लगावली आहेत. चांगल्या सुरुवातीनंतरही विराटला या खेळींचं मोठ्या आकड्यात रुपांतर करता आले नाही. म्हणजेच विराटला गेल्या 24 डावांमध्ये शतक लगावण्यास अपयशी ठरला आहे. विराट साधारणपणे प्रत्येक सातव्या सामन्यात शतक लगावतो.

विराटला मागील 4 मालिकांमध्ये एकही शतक लगावता आलं नाहीये. यामध्ये सुरु असलेली ऑस्ट्रेलियाविरोधातीस एकदिवसीय मालिका, न्यूझीलंड दौरा, ऑस्ट्रेलिया आणि वेस्ट इंडिजचा भारत दौरा या मालिकांचा समावेश आहे. याआधी विराट सलग 3 मालिका तसेच स्पर्धांमध्ये शतक लगावण्यास अपयशी ठरला होता.

6 टी 20 सामन्यात अर्धशतक नाही

विराट या 2020 वर्षात एकूण 6 टी 20 सामने खेळला आहे. या 6 सामन्यात विराटला एकही अर्धशतकी खेळी करता आली नाही. तसेच न्यूझीलंड दौऱ्यातील कसोटी सामन्यांमधील 4 डावात 38 धावाच करता आल्या आहेत.

विराट 12 वर्षांपासून क्रिकेट खेळतोय. 27 फ्रेबुवारी 2011 ते 11 सप्टेंबर 2011 दरम्यान असाच प्रकार विराटसोबत घडला होता. तेव्हाही विराट 24 डावात शतक लगावण्यास अपयशी ठरला. विराटने 16 सप्टेंबर 2011 मध्ये इंग्लंडविरोधात शतकी खेळी करत ही मालिका खंडित केली.

मागील 2 मालिकांपासून सरासरी 30 पेक्षा कमी

विराटची सरासरी मागील 3 मालिकांपैकी 2 मालिकांमध्ये 30 पेक्षा कमी राहिली आहे. वेस्ट इंडिजचा भारत दौरा आणि न्यूझीलंड दौऱ्यादरम्यान विराटला 30 पेक्षा कमी सरासरीने धावा केल्या होत्या.

ऑस्ट्रेलियाविरोधातील दुसऱ्या सामन्यात ‘विराट’ कामगिरी

ऑस्ट्रेलियाविरोधातील दुसरा सामना हा विराटच्या एकदिवसीय कारकिर्दीतील 250 वा सामना ठरला. तसेच विराटने आंतरराष्ट्रीय क्रिकेटमध्ये एकूण 22 हजार धावा पूर्ण केल्या. अशी कामगिरी करणारा तो एकूण 8 वा तर टीम इंडियाचा तिसरा फलंदाज ठरला.

संबंधित बातम्या :

India vs Australia 2020, 2nd Odi | ऑस्ट्रेलियाविरोधातील दुसऱ्या सामन्यात कोहलीचा ‘विराट’ कारनामा

India vs Australia 2020, 2nd Odi | कर्णधार कोहलीची ‘विराट’ कामगिरी, मानाच्या पंगतीत स्थान, ठरला तिसरा भारतीय

7 half centuries 839 runs in 24 innings but Virat Kohli failed to score a century