India vs Australia 2020, 2nd Odi | ऑस्ट्रेलियाविरोधातील दुसऱ्या सामन्यात कोहलीचा ‘विराट’ कारनामा
विराटची ऑस्ट्रेलियाविरोधातील दुसऱ्या एकदिवसीय सामन्यात अफलातून कामगिरी
सिडनी : ऑस्ट्रेलियाने टीम इंडियावर दुसऱ्या एकदिवसीय सामन्यात 51 धावांनी विजय मिळवला. या विजयासह ऑस्ट्रेलियाने मालिकाही जिंकली. ऑस्ट्रेलियाने या 3 सामन्यांच्या मालिकेत 2-0 अशी आघाडी घेतली. या सामन्यात टीम इंडियाचा कर्णधार विराट कोहलीने 89 धावांची झुंजार खेळी केली. विराटने ऑस्ट्रेलियाविरोधातील दुसऱ्या सामन्यात अनेक रेकॉर्ड केले. india vs australia 2020 2nd Odi virat kohli completed 22 thousand international runs, 250 odi matches, and 2 thousand runs against australia
एकदिवसीय कारकिर्दीतील 250 वा सामना
विराटने ऑस्ट्रेलियाविरोधातील दुसऱ्या सामन्यात टॉसला येताच पराक्रम केला. ऑस्ट्रेलियाविरोधातील हा दुसरा सामना विराटच्या एकदिवसीय कारकिर्दीतील 250 वा सामना ठरला. टीम इंडियाकडून 250 सामने खेळणारा विराट नववा खेळाडू ठरला. याआधी टीम इंडियाकडून सचिन तेंडुलकर, अजहर, सौरव गांगुली, राहुल द्रविड, अनिल कुंबळे, युवराज सिंह, वीरेंद्र सेहवाग आणि महेंद्रसिंह धोनी या खेळाडूंनी टीम इंडियाकडून 250 पेक्षा अधिक एकदिवसीय सामने खेळले आहेत.
आंतरराष्ट्रीय कारकिर्दीतील 22 हजार धावा
विराटने ऑस्ट्रेलियाविरोधातील दुसऱ्या सामन्यात आपल्या आंतरराष्ट्रीय कारकिर्दीतील 22 हजार धावा पूर्ण केल्या. विराट अशी कामगिरी करणारा एकूण आठवा तर टीम इंडियाचा तिसरा खेळाडू ठरला. टीम इंडियाकडून सचिन तेंडुलकर आणि राहुल द्रविड या दोन्ही खेळाडूंनीच 22 हजारांपेक्षा अधिक धावा केल्या आहेत. विराटने एकूण 418 आंतरराष्ट्रीय सामन्यातील (एकदिवसीय, टी 20 आणि कसोटी) 462 डावांमध्ये 56.15 च्या सरासरीने 22 हजार 11 धावा केल्या आहेत. यामध्ये विराटने एकूण 70 शतकं तर 105 अर्धशतकं लगावली आहेत.
22000 international runs for King Kohli ??#TeamIndia pic.twitter.com/ulWqBZ3tuM
— BCCI (@BCCI) November 29, 2020
ऑस्ट्रेविरोधातील 2 हजार धावा
विराटने सामन्यातील 28 व्या ओव्हरच्या पहिल्या चेंडूवर चौकार ठोकला. या चौकारासह विराटने ऑस्ट्रेलियाविरोधात एकदिवसीय सामन्यात 2 हजार धावा पूर्ण केल्या. विराटने 40 डावात या 2 हजार धावा पूर्ण केल्या. अशी कामगिरी करणारा तो तिसरा भारतीय फलंदाज ठरला. याआधी टीम इंडियाकडून सचिन तेंडुलकर आणि रोहित शर्मा या फलंदाजांनी 2 हजार केल्या आहेत.
Most ODI runs vs AUS (Indians)
3077 – Sachin Tendulkar2208 – Rohit Sharma2000 – Virat Kohli*1660 – MS Dhoni#INDvAUS
— ComeOn Cricket ??? (@ComeOnCricket) November 29, 2020
तिसरा सामना बुधवारी
दरम्यान ऑस्ट्रेलियाविरोधातील एकदिवसीय मालिकेतील शेवटचा आणि अखेरचा सामना बुधवारी 2 डिसेंबरला खेळण्यात येणार आहे. या सामन्यात विजय मिळवून शेवट गोड करण्याचा प्रयत्न टीम इंडियाचा असणार आहे.
संबंधित बातम्या :
India vs Australia 2020 | विराट कोहलीने रचला इतिहास, हा रेकॉर्ड करणारा 9 वा भारतीय खेळाडू
india vs australia 2020 2nd Odi virat kohli completed 22 thousand international runs, 250 odi matches, and 2 thousand runs against australia
