AUS vs IND, 2nd Test | मराठमोळ्या अजिंक्य रहाणेचे झुंजार शतक, विक्रमाला गवसणी

अजिंक्य रहाणेच्या कसोटी कारकिर्दीतील हे 12 शतकं ठरलं.

AUS vs IND, 2nd Test | मराठमोळ्या अजिंक्य रहाणेचे झुंजार शतक, विक्रमाला गवसणी

मेलबर्न : ऑस्ट्रेलियाविरोधातील दुसऱ्या कसोटीतील (Australia vs Team India 2nd Test) दुसऱ्या दिवशी टीम इंडियाचा कर्णधार अजिंक्य रहाणेने (Ajinkya Rahane) शानदार शतक लगावलं. रहाणेच्या कसोटी कारकिर्दीतील हे 12 शतकं ठरलं. एकूण 11 चौकारांच्या साहाय्याने अजिंक्यने हे शतक पूर्ण केलं. तसेच ऑस्ट्रेलियाविरोधात आणि मेलबर्न क्रिकेट ग्राऊंडवरील (MCG) हे दुसरं शतक ठरलं. या शतकासह रहाणेने अनेक विक्रम आपल्या नावे केले आहेत. (australia vs india 2nd test Ajinkya Rahane break record with century)

बॉक्सिंग डे कसोटीत दुसऱ्यांदा शतक

अजिंक्य रहाणेचं ऑस्ट्रेलियाविरोधातील हे दुसरं शतक ठरले आहे. विशेष म्हणजे अजिंक्यने ही दोन्ही शतकं बॉक्सिंग डे कसोटी (Boxing Day Cricket Test) सामन्यात झळकावली आहेत. रहाणेने 2014 मध्ये मेलबर्न क्रिकेट ग्राऊंडवर शतक लगावलं होतं. बॉक्सिंग डे कसोटीत टीम इंडियाकडून दोन शतक शतक लगावणारा अजिंक्य एकमेव भारतीय खेळाडू ठरला आहे. याआधी टीम इंडियाकडून बॉक्सिंग डे कसोटीत ऑस्ट्रेलियाविरोधात सचिन तेंडुलकर, वीरेंद्र सेहवाग, विराट कोहली आणि चेतेश्वर पुजाराने शतक लगावलं आहे.

मेलबर्नवर दुसरं कसोटी शतक

रहाणेचं ऑस्ट्रेलियाविरोधातील मेलबर्न क्रिकेट ग्राऊंडलवरील दुसरं शतक ठरलं आहे. अजिंक्य मेलबर्नवर दुसऱ्यांदा शतक लगावणारा दुसरा भारतीय फलंदाज ठरला आहे. याआधी टीम इंडियाकडून विनो मांकड यांनी ऑस्ट्रेलियाविरोधात मेलबर्नवर 2 शतक लगावले होते. तसेच सुनील गावसकर, गुंडप्पा विश्वनाथ, सचिन तेंडुलकर, वीरेंद्र सेहवाग, विराट कोहली आणि चेतेश्वर पुजारा या फलंदाजांनी मेलबर्नवर कांगारुंविरुद्ध प्रत्येकी 1 वेळेश शतक लगावलं आहे.

ऑस्ट्रेलियाविरोधात शतक लगावणारा पाचवा कर्णधार

रहाणे ऑस्ट्रेलियाविरोधात शतकी कामगिरी करणारा पाचवा कर्णधार ठरला आहे. याआधी टीम इंडियाकडून कांगारुंविरुद्ध कर्णधार म्हणून अझर, सचिन तेंडुलकर,सौरव गांगुली आणि विराट कोहली या कर्णधारांनी ही कामगिरी केली आहे. ऑस्ट्रेलियाविरोधात टीम इंडियाचा कर्णधार म्हणून सर्वाधिक शतक लगावण्याचा विक्रम विराटच्या नावावर आहे. विराटने एकूण 4 वेळा शतक लगावलं आहे.

संबंधित बातम्या :

AUS vs IND, 2nd Test 2nd Day : टीम इंडिया मजबूत स्थितीत, कर्णधार रहाणेचे शतक, दुसऱ्या दिवसखेर 82 धावांची आघाडी

Australia vs India, 2nd Test | विकेटकीपर टीम पेनचा शानदार एकहाती कॅच, चेतेश्वर पुजारा तंबूत

(australia vs india 2nd test Ajinkya Rahane break record with century)

Click on your DTH Provider to Add TV9 MARATHI