Video : मैदान मारायचंय तर तयारी पाहिजे, WTC च्या फायनलसाठी जाडेजाने कंबर कसली, खास व्हिडीओ पोस्ट
टीम इंडिया विरुद्ध न्यूझीलंड यांच्यात 18 ते 22 जूनदरम्यान वर्ल्ड टेस्ट चॅम्पियनशीपचा अंतिम सामना खेळविण्यात येणार आहे. या सामन्यासाठीची जाडेजाची तयारी सुरु झाली आहे. (Ravindra jadeja Preparation Workout)
मुंबई : टीम इंडियाला (Team India) इंग्लंडमध्ये 6 कसोटी सामने खेळायचे आहेत. याची सुरुवात वर्ल्ड टेस्ट चॅम्पियनशीपच्या अंतिम सामन्याने होणार आहे. त्यानंतर इंग्लंड विरुद्ध 5 सामन्यांची कसोटी मालिका खेळायची आहे. या सहा सामन्यांसाठी भारताचा अष्टपैलू खेळाडू रवींद्र जाडेजाने कंबर कसली आहे. दौऱ्याला जरी आणखी एक महिन्याचा वेळ असला तरी त्याने आतापासून तयारी सुरु केली आहे. त्याच तयारीचा एक खास व्हिडीओ त्याने आपल्या इन्स्टाग्रामवर पोस्ट केलाय. (Before WTC Final And ind vs Eng Ravindra jadeja Preparation Workout)
रवींद्र जाडेजाचं पुनरागमन
टीम इंडिया विरुद्ध न्यूझीलंड यांच्यात 18 ते 22 जूनदरम्यान वर्ल्ड टेस्ट चॅम्पियनशीपचा अंतिम सामना खेळविण्यात येणार आहे. या अजिंक्यपदासाठी दोन्ही संघ ट्रॉफी उंचावण्यासाठी कसून सराव करत आहेत. या महत्वाच्या सामन्यात आपला सर्वोत्तम परफॉर्मन्स देण्यासाठी जाडेजा मेहनत घेत आहे. ऑस्ट्रेलिया दौऱ्यात जाडेजा दुखापतग्रस्त असल्याने तो खेळू शकला नव्हता. आता WTC फायलन आणि इंग्लंड दौऱ्यासाठी त्याची निवड झाली आहे.
जाडेजाकडून खास व्हिडीओ पोस्ट
मैदानात बहारदार परफॉर्मन्स द्यायचाय तर तयारीही तशीच असायला हवी, त्यासाठी जाडेजाने आतापासूनच तयारी सुरु केली आहे. बुधवारी त्याने आपल्या इन्स्टाग्राम अकाऊंटवरुन एक व्हिडीओ पोस्ट केला आहे. या व्हिडीओत तो जीममध्ये असल्याचं दिसून येत आहे. इंग्लंड दौऱ्यासाठीची तयारी सुरु झाली आहे, वर्कआऊट, असं त्याने व्हिडीओसाठीच्या कॅप्शनमध्ये म्हटलं आहे.
View this post on Instagram
वर्ल्ड टेस्ट चॅम्पियनशीपचा अंतिम सामना
भारत विरुद्ध न्यूझीलंड 18 ते 22 जून (साऊथहॅम्पटन)
इंग्लंड विरुद्धच्या कसोटी मालिकेचे वेळापत्रक
पहिली कसोटी, 4 ते 8 ऑगस्ट
दुसरी कसोटी, 12 ते 16 ऑगस्ट
तिसरी कसोटी, 25 ते 29 ऑगस्ट
चौथी कसोटी, 2 ते 6 सप्टेंबर
पाचवी कसोटी, 10 ते 14 सप्टेंबर.
अशी आहे टीम इंडिया :
विराट कोहली(कर्णधार), अजिंक्य रहाणे(उपकर्णधार), रोहित शर्मा, शुबमन गिल, मयंक अगरवाल, चेतेश्वर पुजारा, हनुमा विहारी, रिषभ पंत, आर अश्विन, रविंद्र जडेजा, अक्षर पटेल, वॉशिंग्टन सुंदर, जसप्रीत बुमराह, इशांत शर्मा, मोहम्मद शमी, मोहम्मद सिराज, शार्दुल ठाकूर आणि उमेश यादव. केएल राहुल आणि वृद्धिमान साहा (फिटनेस टेस्ट आवश्यक)
राखीव खेळाडू : अभिमन्यू इश्वरन, प्रसिद्ध कृष्णा, आवेश खान आणि अर्जान नाग्वासवाला.
(Before WTC Final And ind vs Eng Ravindra jadeja Preparation Workout)
हे ही वाचा :
भारताच्या दिग्गज फिरकीपटूची भविष्यवाणी, ‘हे 2 धुरंधर भारताला WTC फायनल जिंकवून देणार!’
…म्हणून भारतीय संघात भुवनेश्वरला स्थान मिळालं नाही, समोर आलं मोठं कारण!
सुरेश रैनानंतर हरभजनच्या मदतीला धावला सोनू सूद, म्हणाला, ‘काम होऊन जाईल…!’
