DC vs SRH Live Score, IPL 2021 : दिल्लीचा हैद्राबादवर दणकेबाद विजय, 8 विकेट्सने सामना घातला खिशात
DCvs SRH Live Score in Marathi: आयपीएलच्या गुणतालिकेत दुसऱ्या स्थानी असणारा दिल्ली कॅपिटल्सचा संघ गुणतालिकेत सर्वात शेवटी असणाऱ्या हैद्राबाद संघाशी भिडणार आहे.
सनरायजर्स हैद्राबाद (SRH) विरुद्ध दिल्ली कॅपिटल्स यांच्यात पार पडलेल्या सामन्यात दिल्लीने अप्रतिम असा 8 विकेट्सने विजय मिळवला. सामन्यात नाणेफेक जिंकत हैद्राबादने फलंदाजी निवडली. पण त्यांच्या एकाही फलंदाजाला खास कामगिरी करता न आल्याने केवळ 134 धावांच हैद्राबादचा संघ करु शकला. ज्यामुळे 135 अशा सोप्या आव्हानाचा पाठलाग करण्यासाठी दिल्लीचा संघ मैदानात उतरला. ज्यानंतर केवळ दोन गडी गमावत दिल्लीने विजय खिशात घातला. यावेळी दिल्लीकडून शिखर धवन (Shikhar Dhawan) आणि पृथ्वी शॉ (Prithvu Shaw) यांनी चांगली सुरुवात केली. पण 11 धावा करुन शॉ बाद झाला तरी शिखरने मात्र धडाकेबाज फलंजाजी सुरुच ठेवली. त्याने 37 चेंडूत 6 षटकार आणि एक चौकार ठोकत 42 धावा केल्या. ज्यानंतर उर्वरीत जबाबदारी कर्णधार ऋषभ पंत (नाबाद 35) आणि उपकर्णधार श्रेयस अय्यर (नाबाद 47) यांनी पार पाडत संघाला 8 विकेट्सनी दमदार विजय मिळवून दिला.
LIVE NEWS & UPDATES
-
DC vs SRH : दिल्लीचा 8 विकेट्सने विजय
सुरुवातीला उत्तम गोलंदाजी करत हैद्राबादला अवघ्या 134 धावांवर रोखल्यानंतर दिल्ली संघाने उत्कृष्ट फलंदाजी करत केवळ दोन विकेटच्या बदल्यात सामना जिंकला आहे.
-
दिल्लीचं शतक
16 व्या षटकात ऋषभ पंतने षटकार ठोकत दिल्लीचं शतक पूर्ण केलं आहे. (दिल्ली 106/2)
-
-
दिल्लीला दुसरा झटका, शिखर धवन 42 धावांवर बाद
दिल्लीने शिखर धवनच्या रुपात दुसरी विकेट गमावली आहे. राशिद खानने त्याला अब्दुल समदकरवी झेलबाद केलं. धवनने 42 धावांची खेळी केली. (दिल्ली 72/2)
-
दिल्लीचं अर्धशतक
पृथ्वी शॉ लवकर बाद झाल्यानंतर शिखर धवन (32) आणि श्रेयस अय्यर (08) या दोघांनी सावधपणे आगेकूच केली आहे. त्यामुळे दिल्लीने 8 षटकात 51 धावांपर्यंत मजल मारली आहे.
-
DC vs SRH : विल्यमसनची सुपर कॅच, शॉ बाद
हैद्राबादचा कर्णधार केन विल्यमसनने खलील अहमदच्या चेंडूवर पृथ्वी शॉचा अप्रतिम झेल पकडत संघाला पहिलं यश मिळवून दिलं. 20 धावांवर दिल्लीचा पहिला गडी बाद झाला आहे.
-
-
DC vs SRH : दिल्लीच्या फलंदाजीला सुरुवात
135 धावांचा पाठलाग करण्यासाठी दिल्लीने फलंदाजी करण्यास सुरुवात केली आहे. शिखर धवन आणि पृथ्वी शॉ सलामीला आल आहेत.
-
DC vs SRH : हैद्राबादची 134 धावांंपर्यंत मजल
अखेरच्या षटकात दोन रनआऊट झाल्यामुळे हैद्राबादचा संघ 140 धावांचा आकडा पार करु शकला नाही. ज्यामुळे ते केवळ 134 धावांपर्यंत मजल मारु शकले आहेत. आता दिल्लीला विजयासाठी केवळ 135 धावांची गरज आहे.
-
DC vs SRH : राशिद खान धावचीत
अखेरच्या षटकात 22 धावा करुन राशिद खान धावचीत झाला आहे.
Match 33. 19.4: WICKET! R Khan (22) is out, run out (sub [Steve Smith]/Rishabh Pant), 133/8 https://t.co/o12E14UyvO #DCvSRH #VIVOIPL #IPL2021
— IndianPremierLeague (@IPL) September 22, 2021
-
DC vs SRH : अब्दुल समद बाद
हैद्राबाद संघाचा डाव सावरण्याचा प्रयत्न करणाऱ्या अब्दुल समदला बाद करण्यात कागिसो रबाडाला यश आलं आहे. रबाडाच्या चेंडूवर ऋषभ पंतने त्याचा झेल घेतला आहे.
-
DC vs SRH : पृथ्वीने टिपला होल्डरचा झेल
हैद्राबाद संघाचा सहावा विकेट अष्टपैलू खेळाडू जेसन होल्डरच्या रुपात गेला आहे. अक्षरच्या चेंडूवर पृथ्वीने त्याचा झेल टिपला आहे.
-
DC vs SRH : नॉर्खियाला आणखी एक यश, जाधवही बाद
हैद्राबाद संघाचा आणखी एक विकेट केदार जाधवच्या रुपात पडला आहे. ए. नॉर्खियाने त्याला पायचीत केलं आहे.
-
DC vs SRH : मनिष पांडेही बाद
केन बाद होताच पुढच्याच ओव्हरमध्ये मनिष पांडेही बाद झाला आहे. कागिसो रबाडाने त्याच्याच चेंडूवर स्वत:च झेल घेत पांडेला तंबूत धाडलंं.
-
DC vs SRH : दोन जीवदानानंतर केन झेलबाद
हैद्राबाद संघाचा कर्णधार केन विल्यमसनला दोन जीवदान मिळाल्यानंतर तिसऱ्या वेळी मात्र तो बाद झाला आहे. एकदा पंतने आणि एकदा पृथ्वीने केनचा झेल सोडल्यानंतर अखेर हीटमायरने अक्षरच्या चेंडूवर केनचा झेल पकडला.
-
DC vs SRH : आश्विनला पहिल्याच चेंडूवर चौकार
मागील काही काळापासून मैदानापासून दूर असलेला आश्विन दिल्लीकडून सामना खेळत आहे. पण त्याला पहिल्याच चेंडूवर विल्यमसनने चौकार मारला आहे.
-
DC vs SRH : वृद्धीमान साहाही आऊट!
पहिल्याच षटकात वॉर्नर बाद झाल्यानंतर हैद्राबादचा डाव सावरणारा वृद्धिमान साहाही बाद झाला आहे. रबाडाच्या चेंडूवर गब्बर शिखर धवनने त्याचा झेल घेतला आहे.
-
DC vs SRH : डेव्हिड वॉर्नर शून्यावर बाद
सामना सुरु होताच सनरायजर्स हैद्राबादला मोठा झटका बसला आहे. त्यांचा दिग्गज फलंदाज डेव्हिड वॉर्नर शून्यावर बाद झाला आहे. नॉर्खियाच्या चेंडूवर अक्षर पटेलने त्याचा झेल घेतला.
G. O. N. E! ☝️
Cracking start for @DelhiCapitals, courtesy @AnrichNortje02! ? ?#SRH lose David Warner in the first over. #VIVOIPL #DCvSRH
Follow the match ? https://t.co/15qsacH4y4 pic.twitter.com/F0OIYgSH9P
— IndianPremierLeague (@IPL) September 22, 2021
-
DC vs SRH : दिल्ली संघाचे अंतिम 11
पृथ्वी शॉ, शिखर धवन, श्रेयस अय्यर, ऋषभ पंत (कर्णधार/यष्टीरक्षक), मार्कस स्टयनिस, शिमरॉन हिटमायर, अक्षर पटेल, आर आश्विन, कागिसो रबाडा, आवेश खान, ए. नॉर्खिया
Match 33. Delhi Capitals XI: S Dhawan, P Shaw, S Iyer, R Pant, M Stoinis, S Hetmyer, A Patel, R Ashwin, K Rabada, A Khan, A Nortje https://t.co/o12E14UyvO #DCvSRH #VIVOIPL #IPL2021
— IndianPremierLeague (@IPL) September 22, 2021
-
DC vs SRH : हैद्राबाद संघाचे अंतिम 11
डेव्हिड वॉर्नर, रिद्धिमान साहा (यष्टीरक्षक), मनिष पांडे, केन विल्यमसन (कर्णधार), केदार जाधव, अब्दुल समाद, जेसन होल्डर, राशिद खान, भुवनेश्वर कुमार, खलील अहमद, संदीप शर्मा
Match 33. Sunrisers Hyderabad XI: D Warner, W Saha, M Pandey, K Williamson, K Jadhav, J Holder, A Samad, R Khan, B Kumar, S Sharma, K Ahmed https://t.co/o12E14UyvO #DCvSRH #VIVOIPL #IPL2021
— IndianPremierLeague (@IPL) September 22, 2021
-
DC vs SRH : हैद्राबादने निवडली फलंदाजी
सामन्याला काही वेळातच सुरुवात होणार आहे. सनरायजर्स हैद्राबादने नाणेफेक जिंकत फलंदाजी निवडली आहे.
Toss Update:
Kane Williamson wins the toss & @SunRisers elect to bat against @DelhiCapitals. #VIVOIPL #DCvSRH
Follow the match ? https://t.co/15qsacH4y4 pic.twitter.com/pBbc2iOEHz
— IndianPremierLeague (@IPL) September 22, 2021
-
सामन्यावर कोरोनाचं सावट
कोरोना महामारीने पुन्हा एकदा आयपीएलमध्ये शिरकाव केला आहे. सनरायजर्स हैद्राबाद संघाचा खेळाडू आणि भारताचा गोलंदाजा टी नटराजन याला कोरोनाची बाधा झाली आहे. त्यामुळे आजच्या सामन्यावरही रद्द होण्य़ाचे सावट होते. पण टी नटराजन कोरोनाबाधित आढळताच त्याच्यासह हैद्राबाद संघातील सहा सदस्यांना विलगीकरणात ठेवण्यात आलं आहे. सुरक्षेचा उपाय म्हणून हे पाऊल उचललं असून आज होणाऱ्या SRH vs DC सामन्यावर मात्र कोणतं संकट नसल्याचंही स्पष्ट करण्यात आलं आहे.
Published On - Sep 22,2021 7:02 PM
