GT विरुद्ध LSG, IPL 2022: थरारक सामन्यात राहुल तेवतियाचा चौकार, गुजरातचा विजयी शुभांरभ

शेवटच्या षटकापर्यंत रंगलेल्या थरारक सामन्यात गुजरात टायटन्सने लखनौ सुपर जायंट्सवर पाच विकेट आणि दोन चेंडू राखून विजय मिळवला. राहुल तेवतियाने चौकार ठोकून गुजरातच्या विजयावर शिक्कामोर्तब केलं. राहुल तेवतिया आणि डेविड मिलरमध्ये पाचव्या विकेटसाठी झालेली 60 धावांची भागीदारी महत्त्वपूर्ण ठरली. राहुलने नाबाद (40) मिलरने 21 चेंडूत 30 धावा केल्या.

शेवटच्या षटकात गुजरातला विजयासाठी 11 धावांची आवश्यकता आहे. राहुल तेवतिया (36) मैदानात आहे.

अत्यंत मोक्याच्या क्षणी गुजरात टायटन्सचा डेविड मिलर आऊट झाला आहे. त्याच्यामुळेच गुजरात सामना जिंकण्याच्या स्थितीत आहे. आवेश खानच्या गोलंदाजीवर कव्हर्समध्ये केएल राहुलने झेल घेतला. त्याने 21 चेंडूत 30 धावा केल्या.

रवी बिष्णोईच्या एक षटकात तेवतिया-मिलरने केला हल्लाबोल, गुजरातच्या चार बाद 130 धावा झाल्या आहेत. 18 चेंडूत विजयासाठी 28 धावांची आवश्यकता.

दीपक हुड्ड्याच्या एका ओव्हरमध्ये मिलर-तेवतियाने 22 धावा वसूल केल्या. सध्या गुजरातच्या चार बाद 119 धावा झाल्या आहेत.

पंधरा षटकात गुजरातच्या चार बाद 91 धावा झाल्या आहेत. लखनौच्या फिरकी गोलंदाजांनी गुजरातच्या फलंदाजांना जखडून ठेवलं आहे.

14 षटकात गुजरात टायटन्सच्या चार बाद 88 धावा झाल्या आहेत. डेविड मिलर आणि राहुल तेवतियाची जोडी मैदानात आहे. 36 चेंडूत विजयासाठी 71 धावांची आवश्यकता आहे.

दोन विकेट लवकर गेल्यानंतर हार्दिक पंड्या आणि मॅथ्यू वेडने डाव सावरला होता. तिसऱ्या विकेटसाठी त्यांनी 57 धावांची भागीदारी केली. हार्दिक पंड्या (33) कुणाल पंड्याच्या गोलंदाजीवर झेलबाद झाला. त्यानंतर वेडला (30) ला हुड्डाने क्लीन बोल्ड केलं.

गुजरात टायटन्सच्या सहा षटकात दोन बाद 44 धावा झाल्या आहेत. मॅथ्यू वेड आणि हार्दिक पंड्याची जोडी मैदानात आहे. वेड 14 आणि हार्दिक 19 धावांवर खेळतोय. विजय शंकरला चार धावांवर चामीराने क्लीन बोल्ड केलं.

पहिल्याच षटकातील तिसऱ्या चेंडूवर गुजरात टायटन्सला मोठा झटका बसला आहे. चामीराने शुभमन गिलला भोपळाही फोडू दिला नाही. दीपक हुड्डाकरवी त्याला शुन्यावर बाद केलं. एक बाद चार अशी टायटन्सची स्थिती आहे.

29 धावात चार विकेट गमावणाऱ्या लखनौ सुपर जायंट्सने जोरदार कमबॅक केलं आहे. निर्धारीत 20 षटकात त्यांनी सहा बाद 158 धावा केल्या. दीपक हुड्डा आणि आयुष बदोनीमुळे लखनौला कमबॅक करता आलं. दोघांनी अर्धशतकी खेळी केली. दीपक हुड्डाने (55) तर आयुष बदोनीने (54) धावा केल्या. लखनौकडून मोहम्मद शमी सर्वात यशस्वी गोलंदाज ठरला. त्याने चार षटकात 25 धावा देत तीन विकेट घेतल्या.

आयपीएलमध्ये डेब्यु करणाऱ्या आयुष बदोनीने षटकार खेचून अर्धशतक झळकावलं. त्याने चार चौकार आणि तीन षटकार लगावले. 19 षटकात लखनौच्या पाचबाद 149 धावा झाल्या आहेत.

लखनौ सुपर जायंट्सने पहिल्या चार विकेट झटपट गमावल्या. पण दीपक हुड्डा आणि आयुष बदोनीने डाव सावरला. दीपक हुड्डा 55 धावांवर बाद झाला. सध्या 18 षटकात पाच बाद 139 धावा झाल्या आहेत.

पहिल्या चार विकेट लवकर गेल्यानंतर दीपक हुड्डाने लखनौ सुपर जायंट्सचा डाव सावरला. लखनौच्या चार बाद 87 धावा झाल्या आहेत. दीपक हुड्डाने शानदार हाफ सेंच्युरी झळकवली आहे. 37 चेंडूत त्याने 50 धावा केल्या. यात पाच चौकार आणि दोन षटकार आहेत.

गुजरात टायटन्सचं सामन्यावर वर्चस्व आहे. आठ षटकात लखनौ सुपर जायंट्सच्या चार बाद 36 धावा झाल्या आहेत.

आजच्या सामन्यात हार्दिक पंड्याने अखेर गोलंदाजी केली. त्याने पहिलं षटक टाकताना फक्त एक धाव दिली.

शुभमन गिलने लुइसचा घेतलेला सुपर्ब झेल एकदा पहाच.

मोहम्मद शामीने लखनौ सुपर जायंट्स आणखी एक झटका दिला आहे. त्याने मनीष पांडेला क्लीन बोल्ड केलं. मनीष पांडेने 6 धावा केल्या. लखनौची सध्या चार बाद 29 अशी स्थिती आहे.

गुजरात टायटन्सची जबरदस्त गोलंदाजी सुरु आहे. वरुण एरॉनच्या गोलंदाजीवर शुभमन गिलने लुइसचा 10 धावांवर जबरदस्त झेल घेतला.

मोहम्मद शामीने एका अप्रतिम चेंडूवर लखनौ सुपर जायंट्सचा सलामीवीर क्विंटन डि कॉकला क्लीन बोल्ड केलं. त्याने फक्त सात धावा केल्या. दोन बाद 14 अशी लखनौची स्थिती आहे.

दोन षटकात लखनौ संघाच्या एक बाद  नऊ धावा झाल्या आहेत. लुइस (6) आणि डिकॉकची (3) जोडी मैदानात आहे.

IPL स्पर्धेतील नवीन संघ असलेल्या गुजरात टायटन्सने पहिल्याच चेंडूवर लखनौ सुपर जायंट्सला झटका दिला आहे. लखनौचा कॅप्टन केएल राहुलला मोहम्मद शामीने भोपळाही फोडू दिला नाही. विकेटकीपरकरवी झेलबाद केले.

केएल राहुल (कॅप्टन), क्विंटन डिकॉक, एविन लुइस, मनीष पांडे, दीपक हुड्डा, कुणाल पंड्या, आयुष बडोनी, रवी बिश्नोई, आवेश खान, दुष्मंता चमीरा, मोहसीन खान,

;

हार्दिक पंड्या (कॅप्टन), शुभमन गिल, मॅथ्यू वेड, डेविड मिलर, विजय शंकर, अभिनव मनोहर, राहुल तेवतिया, राशिद खान, लॉकी फर्ग्युसन, वरुण एरॉन, मोहम्मद शमी

गुजरात टायटन्सचा कॅप्टन हार्दिक पंड्याने टॉस जिंकला आहे. गुजरात टायटन्सने गोलंदाजी करण्याचा निर्णय घेतला आहे.