क्रिकेट चाहत्यांसाठी मोठी बातमी! ICC कडून टी-20 वर्ल्ड कप 2027 च्या वेळापत्रकाची घोषणा; टीम इंडिया कोणत्या ग्रुपमध्ये?
Womens U19 T20 World Cup 2027 Schedule: आयसीसी १९ वर्षांखालील महिला टी२० विश्वचषक २०२७ चे वेळापत्रक जाहीर करण्यात आले आहेत. सामने परदेशात खेळले जाणार आहेत.
आयसीसीने १९ वर्षांखालील महिला टी-२० विश्वचषक स्पर्धेचे वेळापत्रक जाहीर केले आहे. ही स्पर्धा बांगलादेश आणि नेपाळमध्ये खेळवली जाणार आहे. २१ जानेवारी ते ६ फेब्रुवारी दरम्यान १६ संघ चित्तगोंग, सिल्हेट आणि काठमांडू येथील चार मैदानांवर एकूण ४१ सामने खेळणार आहेत. गतविजेता भारत २२ जानेवारी रोजी वेस्ट इंडिजविरुद्ध आपल्या मोहिमेला सुरुवात करणार आहे. स्पर्धेचा अंतिम सामना ६ फेब्रुवारी रोजी खेळला जाईल, तर ७ फेब्रुवारी हा अंतिम सामन्यासाठी राखीव दिवस असेल.
ही आयसीसी १९ वर्षांखालील महिला टी-२० विश्वचषक स्पर्धेचा तिसरा हंगाम आहे. १६ संघांना प्रत्येकी चार संघांच्या चार गटांमध्ये विभागण्यात आले आहे. या संघांचे सामने चित्तगोंग, सिल्हेट आणि काठमांडू येथील चार वेगवेगळ्या मैदानांवर खेळले जातील. या सर्व मैदानांवरील परिस्थिती भारतातील परिस्थितीसारखीच आहे. परिणामी, भारतीय संघाला स्पर्धेचे यजमानपद भूषवण्याचा फायदा मिळेल.
भारतीय संघ ‘अ’ गटात आहे. ज्यात आयर्लंड, वेस्ट इंडिज आणि नेपाळ यांचा समावेश आहे. पाकिस्तान ‘ब’ गटात आहे, ज्यात दक्षिण आफ्रिका, न्यूझीलंड आणि सामोआ यांचा समावेश आहे. गट ‘क’ मध्ये ऑस्ट्रेलिया, बांगलादेश, नायजेरिया आणि संयुक्त अरब अमिराती यांचा समावेश आहे. गट ‘ड’ मध्ये इंग्लंड, श्रीलंका, अमेरिका आणि स्कॉटलंड यांचा समावेश आहे. २१ जानेवारी रोजी उद्घाटन दिवशी आठ संघ (चार सामने) खेळतील.
आयसीसीने प्रसिद्ध केलेल्या निवेदनात सीईओ संजोग गुप्ता म्हणाले की, आयसीसी १९ वर्षांखालील टी२० विश्वचषक महिला क्रिकेटच्या विकासात महत्त्वाची भूमिका बजावतो. यामुळे तरुण खेळाडूंना त्यांच्या वयोगटात सर्वोच्च स्तरावर खेळण्याची आणि जागतिक स्तरावर अनुभव मिळवण्याची संधी मिळते. बांगलादेश आणि नेपाळमधील १६ संघांना एकत्र आणणारी ही स्पर्धा, महिला क्रिकेटमधील वाढत्या प्रतिभेची खोली दर्शवेल. तसेच, प्रस्थापित आणि उदयोन्मुख क्रिकेट खेळणाऱ्या राष्ट्रांमधील खेळाडूंना आंतरराष्ट्रीय स्पर्धेत प्रगती करण्याची संधी मिळेल.
ही स्पर्धा २१ जानेवारी रोजी सुरू होणार आहे. पहिल्या दिवशी चार सामने होणार आहेत. सकाळी बांगलादेशचा सामना युएईशी होईल. त्यानंतर मागील स्पर्धेतील उपविजेता ऑस्ट्रेलिया दुपारी नायजेरियाविरुद्ध खेळेल. काठमांडू येथील अप्पर मुलपानी आंतरराष्ट्रीय क्रिकेट मैदानावर श्रीलंका स्कॉटलंडविरुद्ध खेळेल. त्यानंतर इंग्लंड अमेरिकेविरुद्ध खेळेल. दोन वेळचा गतविजेता भारत २२ जानेवारी रोजी काठमांडू येथील टीयू आंतरराष्ट्रीय क्रिकेट स्टेडियमवर वेस्ट इंडिजविरुद्ध आपल्या विजेतेपदाच्या बचावाला सुरुवात करेल.
यजमान नेपाळ त्याच दिवशी आयर्लंडविरुद्ध आपल्या मोहिमेला सुरुवात करेल. न्यूझीलंड चित्तगोंगमध्ये सामोआविरुद्ध खेळेल, तर दक्षिण आफ्रिका पाकिस्तानविरुद्ध खेळेल. गट फेरी २६ जानेवारीपर्यंत चालेल, त्यानंतर पात्र संघ सुपर सिक्स टप्प्यात प्रवेश करतील. येथे सर्व सहा संघांना दोन गटांमध्ये विभागले जाईल. प्रत्येक गटातील अव्वल दोन संघ उपांत्य फेरीसाठी पात्र ठरतील.
उपांत्य फेरीचे सामने ४ फेब्रुवारी रोजी बीर श्रेष्ठ शहीद फ्लाइट लेफ्टनंट मतिउर रहमान क्रिकेट स्टेडियमवर होतील, ज्यासाठी ५ फेब्रुवारी हा राखीव दिवस असेल. अंतिम सामना ६ फेब्रुवारी रोजी स्थानिक वेळेनुसार (IST) दुपारी १:३० वाजता खेळला जाईल. सामना भारतीय प्रमाण वेळेनुसार (IST) दुपारी १:०० वाजता सुरू होईल. ७ फेब्रुवारी हा राखीव दिवस आहे.
