IND vs NZ Live Score, 3rd T20 : भारताची टिच्चून गोलंदाजी, न्यूझीलंडचा संघ 111 धावांत ढेपाळला, भारताचा शानदार विजय
भारत आणि न्यूझीलंड (India vs New Zealand) यांच्यातील टी-20 मालिकेतील तिसरा आणि शेवटचा सामना आज कोलकाता येथील ऐतिहासिक स्टेडियम ईडन गार्डन्सवर खेळवला जात आहे.
कोलकाता : भारत आणि न्यूझीलंड (India vs New Zealand) यांच्यातील तीन टी-20 सामन्यांची मालिका 3-0 ने जिंकत भारताने न्यूझीलंडला व्हाईटवॉश दिला आहे. मालिकेतील तिसरा आणि शेवटचा सामना आज कोलकाता येथील ऐतिहासिक स्टेडियम ईडन गार्डन्सवर खेळवण्यात आला. या सामन्यात भारताचा कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला घेतला होता. प्रथम फलंदाजी करत भारताने 184 धावांचा डोंगर उभा केला होता. त्या प्रत्युत्तरात खेळणाऱ्या न्यूझीलंला केवळ 111 धावांपर्यंत मजल मारला आली. त्यामुळे भारताना हा सामना 73 धावांनी जिंकला आहे. या विजयासह भारताने मालिका खिशात घातली आहे.
LIVE NEWS & UPDATES
-
न्यूझीलंडचा 10 वा गडी बाद
न्यूझीलंडचा 9 वा गडी बाद झाला आहे. दीपक चाहरने स्वतःच्याच गोलंदाजीवर झेल टिपत लॉकी फर्ग्युसनला (14) पव्हेलियनचा रस्ता दाखवला. (111/10)
-
न्यूझीलंडचा 9 वा गडी माघारी, इश सोढी 9 धावांवर बाद
न्यूझीलंडचा 9 वा गडी माघारी परतला आहे, हर्षल पटेलच्या गोलंदाजीवर सूर्यकुमार यादवने शानदार झेल टिपत इश सोढीला पव्हेलियनचा रस्ता दाखवला. (95/9)
-
-
भारताला आठवं यश, अॅडम निल्न 7 धावांवर बाद
न्यूझीलंडचा आठवा फलंदाज माघारी परतला आहे, वेंकटेश अय्यरच्या गोलंदाजीवर कर्णधार रोहित शर्माने सोपा झेल टिपत अॅडम निल्न याला पव्हेलियनचा रस्ता दाखवला. (न्यूझीलंड 93/8)
-
भारताला सातवं यश, मिचेल सँटनर 2 धावांवर बाद
न्यूझीलंडचा सातवा फलंदाज माघारी परतला आहे, इशान किशनने मिचेल सँटनरला 2 धावांवर असताना धावबाद केलं (84/7)
-
न्यूझीलंडचा सहावा गडी माघारी, जिमी निशम 3 धावांवर बाद
न्यूझीलंडचा सहावा गडी माघारी परतला आहे, हर्षल पटेलच्या गोलंदाजीवर ऋषभ पंतने शानदार झेल टिपत जिमी निशमला पव्हेलियनचा रस्ता दाखवला. (76/6)
-
न्यूझीलंडचा पाचवा गडी माघारी, टिम सायफर्ट 17 धावांवर बाद
न्यूझीलंडचा पाचवा गडी माघारी परतला आहे, इशान किशनने टिम सायफर्टला 17 धावांवर असताना धावबाद केलं (76/5)
-
ग्लेन फिलिप्स तंबूत परतला, चार चेंडूत शून्य धावा
न्यूझीलंडचा खेळाडू ग्लेन फिलिप्स बाद झाला आहे.
एकूण चार चेंडू खेळून त्याला एकही धाव करता आलेली नाही.
-
भारताला दुसरं यश, डॅरेल मिशेलपाठोपाठ मार्क चॅपमन माघारी
भारताला तिसऱ्या षटकात आणखी एक यश मिळालं आहे. अक्सर पटेलने मार्क चॅपमनला (0) माघारी धाडलं. ऋषभ पंतने त्याला यष्टीचित केलं. (न्यूझीलंड 21/1)
-
भारताला पहिलं यश, डॅरेल मिशेल 5 धावांवर बाद
भारताला तिसऱ्या षटकात पहिलं यश मिळालं आहे. अक्सर पटेलने डॅरेल मिशेलला 5 धावांवर असताना हर्षल पटेलकरवी झेलबाद केलं. (न्यूझीलंड 21/1)
-
न्यूझीलंडची आक्रमक सुरुवात, दोन षटकात 21 धावा
न्यूझीलंडने आक्रमक सुरुवात केली आहे. त्यांच्या सलामीवीरांनी दोन षटकात 21 धावा फटकावल्या आहेत. दुसऱ्या षटकात मार्टिन गप्टिल आणि डॅरेल मिचेलने दोन चौकार आणि एक षटकार लगावत 16 धावा फटकावल्या.
-
भारताचा सातवा गडी माघारी, हर्षल पटेल 18 धावांवर बाद
भारताने सातवी विकेट गमावली आहे. हर्षल पटेल 18 धावा करुन माघारी परतला. लॉकी फर्ग्युसनने त्याला बाद केलं. (भारत 162/6)
-
भारताला सहावा धक्का, श्रेयस अय्यर 25 धावांवर बाद
भारताने सहावी विकेट गमावली आहे. श्रेयस अय्यर 25 धावा करुन माघारी परतला. अॅडम मिल्ने याने त्याला डॅरेल मिचेलकरवी झेलबाद केलं. (भारत 140/6)
-
भारताला पाचवा धक्का, वेंकटेश अय्यर 20 धावांवर बाद
भारताने पाचवी विकेट गमावली आहे. वेंकटेश अय्यर 20 धावा करुन माघारी परतला. ट्रेंट बोल्टने त्याला मार्क चॅपमनकरवी झेलबाद केलं. (भारत 139/5)
-
भारताला चौथा धकका, 56 धावा करुन रोहित शर्मा माघारी
भारताने चौथी विकेट गमावली आहे. कर्णधार रोहित शर्मा 56 धावा करुन रोहित माघारी परतला. इश सोढीने स्वतःच्याच गोलंदाजीवर झेल घेत रोहितला पव्हेलियनचा रस्ता दाखवला.
-
रोहित शर्माची फटकेबाजी, 27 चेंडूत अर्धशतक
रोहित शर्माने आजच्या सामन्यात पहिल्या चेंडूपासून आक्रमक पवित्रा स्वीकारला आहे. त्याने जोरदार फटकेबाजी करत 27 चेंडूत अर्धशतक फटकावलं. या खेळीत त्याने 5 चौकार आणि 3 षटकार लगावले. मिचेल सँटनरच्या गोलंदाजीवर चौकार लगावत त्याने अर्धशतक पूर्ण केलं.
-
सातारा जिल्हा मध्यवर्ती निवडणुकीत सायंकाळी 5 वाजेपर्यंत 96.33% मतदान
सातारा : सातारा जिल्हा मध्यवर्ती निवडणुकीत सायंकाळी 5 वाजेपर्यंत 96.33% मतदान
जिल्ह्यात 1,964 मतदारांपैकी 1,892 मतदारांनी आपला हक्क बजावला
सहकार मंत्री बाळासाहेब पाटील, गृहराज्यमंत्री शंभूराजे देसाई, आमदार शशिकांत शिंदे यांची प्रतिष्ठा लागली पणाला
23 नोव्हेंबरला होणार मतमोजणी
-
भारताला तिसरा धक्का, सूर्यकुमार पाठोपाठ ऋषभ पंत माघारी
भारताने तिसरी विकेट गमावली आहे. मिचेल सँटनरने ऋषभ पंतला (04) जिमी निशमकरवी झेलबाद केलं. (भारत 71/2)
-
भारताला दुसरा धक्का, सूर्यकुमार यादव शून्यावर बाद
भारताने दुसरी विकेट गमावली आहे. मिचेल सँटनरने सूर्यकुमार यादवला मार्टिन गप्टीलकरवी झेलबाद केलं. (भारत 71/2)
-
भारताला पहिला धक्का, इशान किशन 29 धावांवर बाद
भारताने पहिली विकेट गमावली आहे. मिचेल सँटनरने इशान किशनला (29) टिम सायफर्टकरवी झेलबाद केलं. (भारत 69/1)
-
रोहित-इशानची फटकेबाजी, 6 षटकात भारताच्या 69 धावा
सलामीवीर रोहित शर्मा आणि इशान किशनने आक्रमक पवित्रा घेतला आहे. दोघांनी जोरदार फटकेबाजी करत पॉवर प्लेमध्ये 69 धावा कुटल्या आहेत. 6 व्या षटकात या जोडीने 3 चौकार आणि एका षटकाराच्या मदतीने 20 धावा फटकावल्या.
-
रोहितचा दुसरा षटकार
चौथ्या षटकात गोलंदाजीसाठी आलेल्या लॉकी फर्ग्युसनच्या दुसऱ्याच चेंडूवर रोहित शर्माने शानदार षटकार लगावला. भारत 39/0 (4 षटकं)
-
भारताची आश्वासक सुरुवात, 3 षटकात 29 धावा
भारतीय सलामीवीर रोहित शर्मा आणि इशान किशनने संघाला आश्वासक सुरुवात करुन दिली आहे. दोघांनी सुरुवातीची 3 षटकात 29 धावा जमवल्या आहेत.
-
नाणेफेक जिंकून भारताचा फलंदाजी करण्याचा निर्णय
भारताचा कर्णधार रोहित शर्माने नाणेफेक जिंकून प्रथम फलंदाजी करण्याचा निर्णय घेतला आहे.
-
भारताची प्लेइंग इलेव्हन : इशान आणि चहल इन, राहुल आणि अश्विन आऊट
रोहित शर्मा (कर्णधार)
इशान किशन
सूर्यकुमार यादव
श्रेयस अय्यर
ऋषभ पंत (यष्टीरक्षक)
व्यंकटेश अय्यर
अक्षर पटेल
युजवेंद्र चहल
भुवनेश्वर कुमार
दीपक चहर
हर्षल पटेल
-
न्यूझीलंडची प्लेइंग इलेव्हन : साऊदी आऊट, फर्ग्युसन इन
मिचेल सँटनर (कर्णधार)
मार्टिन गप्टिल
डॅरिल मिशेल
मार्क चॅपमन
टिम साफर्ट (यष्टीरक्षक)
ग्लेन फिलिप्स
जेम्स नीशम
लॉकी फर्ग्युसन
इश सोढी
ट्रेंट बोल्ट
अॅडम मिल्ने
