India vs England 4TH T20 | इंग्लंड विरुद्धच्या चौथ्या सामन्यात ‘हिटॅमन’ रोहित शर्माला मोठा विक्रम करण्याची संधी

इंग्लंड विरुद्धच्या चौथ्या टी 20 सामन्यात (india vs england 4th t20) रोहित शर्माला (Rohit Sharma) 9 हजार धावा पूर्ण करण्याची संधी आहे.

इंग्लंड विरुद्धच्या चौथ्या टी 20 सामन्यात (india vs england 4th t20) रोहित शर्माला (Rohit Sharma) 9 हजार धावा पूर्ण करण्याची संधी आहे.

Sanjay patil | Updated on: Mar 18, 2021 | 6:54 PM

अहमदाबाद : टीम इंडिया विरुद्ध इंग्लंड यांच्यातील चौथ्या टी 20 सामन्याला (India vs England 4TH T20) थोड्याच वेळात सुरुवात होणार आहे. इंग्लंडने टॉस जिंकून फिल्डिंग करण्याचा निर्णय घेतला आहे. यामुळे टीम इंडिया प्रथम बॅटिंग करणार आहे. या सामन्यात टीम इंडियाचा सलामीवीर हिटमॅन रोहित शर्मा (Hitman Rohit Sharma) मोठा विक्रम करण्याची मोठी संधी आहे. ही कामगिरी करताच रोहित दुसराच भारतीय खेळाडू ठरेल. त्यामुळे रोहित हा किर्तीमान करणार का, याकडे सर्वांचेच लक्ष असणार आहे. (india vs england 4th t20 Rohit Sharma has a chance to complete 9 Thousand runs in T20 cricket)

काय आहे रेकॉर्ड?

रोहित शर्माला टी 20 क्रिकेटमध्ये 9 हजार धावांचा टप्पा पूर्ण करण्याची संधी आहे. हा किर्तीमान करण्यासाठी रोहितला अवघ्या 11 धावांची आवश्यकता आहे. रोहितच्या नावे टी 20 मध्ये एकूण 8 हजार 989 धावांची नोंद आहे. रोहितने ही कामगिरी एकूण 341 सामन्यात केली आहे. त्यामुळे रोहित 11 धावा करताच अशी कामगिरी दुसरा भारतीय ठरेल. याआधी टीम इंडियाकडून कर्णधार विराट कोहलीने ही कामगिरी केली आहे. विराटच्या नावे टी 20 मध्ये 302 सामन्यात 9 हजार 650 धावा केल्या आहेत.

रोहितच्या तिसऱ्या सामन्यात 15 धावा

रोहितने इंग्लंड विरुद्धच्या तिसऱ्या सामन्यात 17 चेंडूत 15 धावांची खेळी केली होती. या सामन्यात त्याला चांगली सुरुवात मिळाली होती. मात्र त्याला या खेळीचे मोठ्या आकड्यात रुपांतर करता आले नव्हते. तर याआधीच्या 2 सामन्यात रोहितला प्लेइंग इलेव्हनमध्ये संधी देण्यात आली नव्हती.

टीम इंडियासाठी ‘करो या मरो’चा सामना

इंग्लंड विरुद्धच्या चौथा टी 20 सामना भारतासाठी ‘करो या मरो’चा आहे. मालिकेतील आव्हान कायम राखण्यासाठी विराटसेनेला हा सामना जिंकावा लागणार आहे. दरम्यान इंग्लंड या 5 सामन्यांच्या मालिकेत 2-1 ने आघाडीवर आहे.

इंग्लंड विरुद्धच्या चौथ्या टी 20 सामन्यासाठी टीम इंडिया

विराट कोहली (कर्णधार), रोहित शर्मा, केएल राहुल, रिषभ पंत(यष्टीरक्षक), श्रेयस अय्यर, सूर्यकुमार यादव, हार्दिक पांड्या, वॉशिंग्टन सुंदर, शार्दुल ठाकूर, भुवनेश्वर कुमार आणि राहुल चाहर.

अशी आहे इंग्लंड टीम

इयन मॉर्गन (कॅप्टन), जेसन रॉय, जोस बटलर, डेव्हिड मलान, जॉनी बेयरस्टो, बेन स्टोक्स, सॅम करन, जोफ्रा आर्चर, ख्रिस जॉर्डन, आदिल राशिद आणि मार्क वुड.

संबंधित बातम्या :