IPL 2022 points table : पंजाबविरुद्ध केकेआर विजयी, आयपीएलमध्ये कुठला संघ कुठल्या स्थानावर जाणून घ्या…
IPL 2022 points table: बहुचर्चित इंडियन प्रीमियर लीग स्पर्धेला (IPL) शनिवारी सुरुवात झाली आहे. शुक्रवारी कोलकाता नाईट रायडर्सने पंजाबवर विजय मिळवत घवघवीत यश मिळवलंय. तर दुसरीकडे पंजाबवरील विजयाचा लखनऊ आणि बंगळुरू संघाला फायदा होऊ शकतो. ते जाणून घ्या...
मुंबई : क्रिकेट म्हटलं की कधी एखादा संघ पुढे असतो आणि कधीकधी एखादा संघ मागेही असतो. खेळ म्हटलं की विजय-पराजय आलाच. आयपीएल 2022 मध्ये आता चांगलीच रंगत आली आहे. आयपीएलचा पहिला आठवडा देखील आता पूर्ण झाला आहे. या पहिल्या आठवड्यात आठ सामने खेळवले गेले असून पॉईंट्स टेबलमध्ये देखील अनेक बदल झाले आहेत. विशेष बदल झाला तो शुक्रवारी झालेल्या आठव्या सामन्यात. कोलकाता नाईट रायडर्सने (Kolkata knight riders) पंजाब किंग्जवर (Panjab Kings) विजय मिळवला. यावेळी केकेआरने पंजाब किंग्जला 14 ओवर 3 बॉलमध्ये 6 विकेटनं हरवलं. याचवेळी पंजाबसोबत कोलकाता नाईट रायडर्स जिंकलाच आणि दुसरीकडे तो गुणतालिकेत सरळ पहिल्या स्थानावर येऊन पोहचला. तर पंजाब किंग्सला मात्र मोठा फटका सहन करावा लागलाय. यात एक विशेष बाब म्हणजे आंद्रे रसेलच्या (Andre Russell) ताब्यात सध्या ऑरेंज कॅप आली आहे.
स्फोटक गोलंदाजीनंतर यशोशिखर
वानखेडे स्टेडियमवर झालेल्या कोलकाता नाईट रायडर्स आणि पंजाब किंग्जच्या सामन्यात केकेआरच्या स्फोटक गोलंदाजीमुळे पंजाब किंग्सला 20 ओवरही पूर्ण करता आल्या नाही. पंजाब किंग्जसाल फक्त 137 रन बनवता आले. पंजाब किंग्जचे हे हाल केले वेगवान गोलंदाज उमेश यादव याने. केकेआरच्या पेसरने चार विकेट घेऊन पंजाबला शांत केलं. त्यानंतर फलंदाजीने आंद्रे रसलनं चांगलंच धुतल्याचं दिसून आलं. यावेळी 31 बॉलमध्ये 8 षटकारच्या मदतीने 70 रन बनवून रसेलने संघाला विजय मिळवून दिला. यानंतर लगेच कोलकाता नाईट रायडर्स गुणतालिकेत पहिल्या क्रमांकावर आलाय.
IPL पॉइंट टेबलची स्थिती
| संघ | सामने | जय | पराजय | पॉइंट्स | नेट रन रेट |
|---|---|---|---|---|---|
| गुजरात टायटन्स | 14 | 10 | 4 | 20 | 0.316 |
| राजस्थान रॉयल्स | 14 | 9 | 5 | 18 | 0.298 |
| लखनौ सुपर जायंट्स | 14 | 9 | 5 | 18 | 0.251 |
| रॉयल चॅलेंजर्स बँगलोर | 14 | 8 | 6 | 16 | -0.253 |
| दिल्ली कॅपिटल्स | 14 | 7 | 7 | 14 | 0.204 |
| पंजाब किंग्स | 14 | 7 | 7 | 14 | 0.126 |
| कोलकाता नाइट रायडर्स | 14 | 6 | 8 | 12 | 0.146 |
| सनरायजर्स हैदराबाद | 14 | 6 | 8 | 12 | -0.379 |
| चेन्नई सुपर किंग्स | 14 | 4 | 10 | 8 | -0.203 |
| मुंबई इंडियन्स | 14 | 4 | 10 | 8 | -0.506 |
गुणतालिकेत केकेआर अव्वल
कोलकाता नाईट रायडर्स गुणतालिकेत अव्वल क्रमांकावर आला आहे. केकेआरने आतापर्यंत तिन सामने खेळले आहेत. यामध्ये दोन सामने केकेआर जिंकलाय तर एका सामन्यात त्याला पराजयाचा सामना करावा लागला. कोलकाता नाईट रायडर्सशिवाय कोणताही संघ दोन सामना नाही जिंकू शकला. कोलकाता नाईट रायडर्सचे आता चार पाईंट्स आहेत. या विजयानंतर त्याचा नेट रन रेट 0.093 वरुन 0.843 वर पोहचलाय. यामुळे केकेआर हा पाचव्या स्थानावरुन थेट पहिल्या स्थानावर आला आहे.
या संघांना होणार फायदा
आता आठ सामने खेळल्यानंतर आलेल्या बदलानुसार राजस्थान रॉयल्स आणि दिल्ली कपिटल्स पहिल्या आणि दुसऱ्या स्थानावरुन दुसऱ्या आणि तिसऱ्या स्थानावर गेले आहेत. तर दुसरीकडे लखनऊ सुपर जायंट्स आणि रॉयल चॅलेंजर्स बंगळुरू एक-एक स्थान वर चढले असून ते पांचव्या आणि सहाव्या स्थानावर आहेत. आता सगळ्यांच्या नजरा आज होणाऱ्या सामन्यावर आहेत. आज मुंबई इंडियन्सचा सामना राजस्थान रॉयल्ससोबत तर गुजरातचा सामना दिल्लीसोबत होणार आहे.
इतर बातम्या
Prabhakar Sail | कॉर्डेलिया क्रुझ ड्रग्ज प्रकरण, एनसीबीचे पंच प्रभाकर साईल यांचे निधन
