आयपीएल 2026 स्पर्धा विक्रमी रेकॉर्डमुळे चर्चेत राहिली, या पर्वात काय घडलं ते जाणून घ्या

आयपीएल 2026 स्पर्धेला 28 मार्चपासून सुरूवात झाली होती. या सामन्यात आरसीबी आणि सनरायझर्स हैदराबाद यांच्यात लढत झाली. पहिल्याच सामन्यात आरसीबीने 6 गडी राखून विजय मिळवला होता. त्यानंतर 74व्या सामन्यात अर्थात अंतिम सामन्यात आरसीबीचा सामना गुजरात टायटन्सशी झाला. या सामन्यात आरसीबीने पाच गडी राखून गुजरात टायटन्सला नमवलं आणि जेतेपदाला दुसऱ्यांदा गवसणी घातली. या स्पर्धेत मुंबई आणि चेन्नईनंतर अशी कामगिरी करणारा तिसरा संघ ठरला. तर एकापेक्षा जास्त ट्रॉफी जिंकणारा चौथा संघ ठरला आहे. यापूर्वी मुंबई, चेन्नई आणि केकेआरने अशी कामगिरी केली आहे. गुणतालिकेतही रॉयल चॅलेंजर्स बंगळुरू 18 गुण आणि +0.783 नेट रनरेटसह पहिल्या स्थानावर होता. त्यामुळे एकंदरीत या स्पर्धेत आरसीबीचा दबदबा दिसून आला. असं असताना या पर्वात बरंच काही घडलं आयपीएल स्पर्धेत विक्रमांची रांग लागली होती. चला जाणूनघ घेऊयात कोणकोणते विक्रम रचले गेले ते..

आयपीएल 2026 स्पर्धेत काय घडलं?

आयपीएलच्या एका पर्वात सर्वाधिक धावांचा विक्रम या स्पर्धेत घडला. या पर्वात एकूण 27450 धावा झाल्या. या धावा 31.26 प्रति विकेट या गतीने झाल्या. सर्वाधिक 1426 षटकार आणि 2332 चौकारांची नोंद केली गेली. तसेच एकूण 15 जणांनी शतकी खेळी केली. तर 65 डावात 200हून अधिक धावांची नोंद झाली. तर 200हून अधिक धावा 17 वेळा गाठल्या गेल्या. त्यामुळे हे पर्व सर्वार्थाने चर्चेत राहिलं. 2011 पासून सुरू झालेल्या प्लेऑफ स्वरूपाच्या सुरुवातीपासून क्वालिफायर 1 च्या विजेत्याने 16 पैकी 13 आयपीएल अंतिम सामने जिंकले आहेत, यात मागील नऊ सामन्यांचा समावेश आहे.

आयपीएल स्पर्धेत दोन पर्वात पर्पल कॅप जिंकणारा कागिसो रबाडा हा चौथा गोलंदाज ठरला आहे. यापूर्वी ड्वेन ब्राव्होनो 2103, 2015 मध्ये, भुवनेश्वर कुमारने 2016, 2017 मध्ये, हर्षल पटेलने 2021-2024 मध्ये आणि कागिसो रबाडाने 2020 आणि 2026 मध्ये ही कामगिरी केली आहे.

पाच किंवा त्याहून अधिक जेतेपद मिळवणाऱ्या खेळाडूमध्ये आता कृणाल पांड्याचा समावेश झाला आहे. रोहित शर्मा आणि अंबाती रायुडूने सहा जेतेपद मिळवले आहेत. तर महेंद्र सिंह धोनी, कायरन पोलार्ड, हार्दिक पांड्या आणि कृणाल पांड्याने पाचवेळा जेतेपदाला गवसणी घातली आहे.