पैसे दिले नाहीत, जेम्स फॉकनरने पाकिस्तानची PSL लीग अर्ध्यावरच सोडली, हॉटेलमध्ये झुंबरवर बॅट, हेल्मेट फेकलं
ऑस्ट्रेलियाचा ऑलराऊंडर क्रिकेटपटू जेम्स फॉकनरने (james Faulkner) मध्यावरच पाकिस्तान सुपर लीगमधून माघार घेतली आहे. पैशांवरुन वाद झाल्यामुळे फॉकनरने हा निर्णय घेतला.
लाहोर: ऑस्ट्रेलियाचा ऑलराऊंडर क्रिकेटपटू जेम्स फॉकनरने (james Faulkner) मध्यावरच पाकिस्तान सुपर लीगमधून माघार घेतली आहे. पैशांवरुन वाद झाल्यामुळे फॉकनरने हा निर्णय घेतला. पाकिस्तान क्रिकेट बोर्डाने कराराचा आदर ठेवला नाही. उलट आपल्याशी खोटे बोलत राहिले असा आरोप जेम्स फॉकनरने केला आहे. याउलट PCB ने फॉकनरच्या वर्तनावर बोट ठेवलं आहे. फॉकनर खूप चुकीचं वागला. भविष्य़ात त्याच्यासाठी PSL चे दरवाजे बंद करु, असं पीसीबीने म्हटलं आहे. इमिग्रेशन अधिकाऱ्यांबरोबर फॉकनरने गैरवर्तन केल्याचा आरोप पाकिस्तान क्रिकेट बोर्डाने केला आहे. जेम्स फॉकनर क्वेटा ग्लॅडिएटर्ससाठी मागचे तीन सामने खेळला नाही. पीसीबी अधिकाऱ्यांबरोबर त्याची पैशांवरुन बोलणी सुरु होती. शुक्रवारी फॉकनर आणि पीसीबीमध्ये पैशांवरुन निर्माण झालेला हा वाद आणखींनच चिघळला.
बॅट झुंबरवर फेकली
बोलणी फिसकटल्यानंतर संतापाच्या भरात फॉकनरने बॅट आणि हेल्मेट लॉबीच्या बाल्कनीतून हॉटेलच्या झुंबरवर फेकून दिले. एअर पोर्टला जाण्यासाठी रुम सोडण्याआधी त्याने हॉटेलला नुकसानभरपाई भरुन दिली.
माफीचे दोन टि्वटस
फॉकनरने पाकिस्तानी क्रिकेट चाहत्यांची माफी मागणारे दोन टि्वटस केले. “मी पाकिस्तानी क्रिकेट चाहत्यांची माफी मागतो. दुर्देवाने मला दोन सामन्यांमधून माघार घ्यावी लागली. मी पीसीएल टी 20 लीग मध्यावरच सोडतोय. पैशांसदर्भात झालेल्या कराराचा पीसीबीने आदर केला नाही, असं त्याने टि्वटमध्ये म्हटलं आहे. मी पूर्ण वेळ इथे होतो. पण पीसीबीचे अधिकारी माझ्याशी खोटं बोलत राहिले” असं फॉकनरने टि्वटमध्ये म्हटलं आहे.
“स्पर्धा मध्यावरच सोडून जाणं दु:खद आहे. पाकिस्तानात आंतरराष्ट्रीय क्रिकेट आणण्यासाठी मला मदत करायची होती. इथे मोठ्या प्रमाणात युवा प्रतिभा आहे. फॅन्सही खूप सुंदर आहेत. पण पीसीबी आणि पीएसएलमध्ये मला अपमानास्पद वागणूक मिळाली. तुम्ही माझी परिस्थिती समजून घ्याल, अशी मी अपेक्षा करतो” असं फॉकनरने दुसऱ्या टि्वटमध्ये म्हटलं आहे.
1/2
I apologise to the Pakistan cricket fans.
But unfortunately I’ve had to withdraw from the last 2 matches and leave the @thePSLt20 due to the @TheRealPCB not honouring my contractual agreement/payments.
I’ve been here the whole duration and they have continued to lie to me.— James Faulkner (@JamesFaulkner44) February 19, 2022
2/2
It hurts to leave as I wanted to help to get international cricket back in Pakistan as there is so much young talent and the fans are amazing.
But the treatment I have received has been a disgrace from the @TheRealPCB and @thePSLt20I’m sure you all understand my position.
— James Faulkner (@JamesFaulkner44) February 19, 2022
आरोप निराधार
फॉकनरचे आरोप निराधार असल्याचं पीसीबीने म्हटलं आहे. उलट त्याच्याच वागणुकीत खोट आहे, असा आरोप पीसीबीने केला आहे. पाकिस्तानी क्रिकेटपटू काहीवेळा पीएसएलची आयपीएल बरोबर बरोबरी करतात. पण आयपीएल क्रिकेट जगतातील एक महागडी टी-20 लीग स्पर्धा आहे. आयपीएलमध्ये मिळणाऱ्या पैशाची PSL मध्ये मिळणाऱ्या पैशाबरोबर बरोबरीच होऊ शकत नाही.
james Faulkner leaves PSL after payment row with PCB threw his bat and helmet onto a hotel chandelier