VIDEO : एका चेंडूचं ‘तीन अंकी नाटक’, आउट-नॉटआउट, डीआरएस मग नो बॉल तरीही मंयक अग्रवाल बाद | IND vs SL

भारत आणि श्रीलंका (India vs Sri Lanka) यांच्यातील पिंक बॉल टेस्ट (Pink Ball Test) सुरु होऊन काहीच मिनिटात मैदानात मोठा ड्रामा पाहायला मिळाला. नाणेफेक जिंकून भारतीय कर्णधार रोहित शर्माने प्रथम फलंदाजी करण्याचा निर्णय घेतला आहे.

Mayank Agarwal Image Credit source: File

अक्षय चोरगे, टीव्ही 9 मराठी डिजीटल टीम | Updated on: Mar 12, 2022 | 3:45 PM

मुंबई : भारत आणि श्रीलंका (India vs Sri Lanka) यांच्यातील पिंक बॉल टेस्ट (Pink Ball Test) सुरु होऊन काहीच मिनिटात मैदानात मोठा ड्रामा पाहायला मिळाला. नाणेफेक जिंकून भारतीय कर्णधार रोहित शर्माने प्रथम फलंदाजी करण्याचा निर्णय घेतला आहे. भारतीय डावाचे दुसरे षटक सुरू होते. या षटकात खेळपट्टीच्या 22 यार्ड परिसरात असे काही घडले, ज्यामुळे दोन्ही संघांमधील खेळाडूंसह प्रेक्षक अचंबित झाले होते. अनेकदा अशा घटनांनी फलंदाज अस्वस्थ होतात. काही सेकंदांसाठी गोष्टी पंचाच्या आकलनापलीकडे जातात. भारतीय डावाच्या दुसऱ्या षटकात जोरदार अपील. आउट, नॉट आऊट, डीआरएस आणि नो बॉलचा त्रिकोणी गोंधळ (One ball Drama) मैदानात पाहायला मिळाला. हे संपूर्ण नाटक फक्त एका चेंडूभोवती घडत होतं. ज्याची टीम इंडियाला मोठी किंमत मोजावी लागली.

आता तुम्ही नेमकं काय घडलं ते जाणून घ्या. भारताच्या डावातील दुसऱ्या षटकात विश्वा फर्नांडो गोलंदाजीसाठी आला. या षटकातील चौथा चेंडू फलंदाज मयंक अग्रवालच्या पॅडला लागला. त्यानंतर श्रीलंकन संघाने जोरदार अपील केलं. हे प्रकरण इथेच थांबले असते तर बरे झाले असते. कारण, पंचांनी चेंडू नो बॉल म्हटल्यावर मयंक अग्रवालला नॉटआऊट घोषित करण्यात आले होते.

एक चेंडू आणि मोठा ड्रामा

चेंडू मयंकच्या पॅडवर आदळून काही अंतरावर गेल्यावर मयंक लेग बाय रनसाठी धावतो. पण, रोहित त्याला माघारी जाण्यास सांगतो, पण तोवर मयंक खूप पुढे आलेला होता. याच संधीचा फायदा घेत डिकवेलाने त्याला धावबाद केले. खर तर चेंडू क्षेत्ररक्षाच्या जवळ असूनही मयंक चोरटी धाव घेण्याचा प्रयत्न करत होता. मयंकने अर्ध्याहून अधिक खेळपट्टी पार केली होती. पण, परिस्थिती समजून रोहितने आपलं पाऊल मागे घेतलं. डिकवेलाने मयंकला धावबाद करण्यापूर्वी डीआरएसची मागणी केली होती. चेंडू नो बॉल असला तरी मयंकला धावबाद होऊन पव्हेलियनकडे परतावे लागले.

एका चेंडूचं ‘तीन अंकी नाटक’ आधी आउट, मग नॉटआउट, मग नो बॉल तरीही मंयक अग्रवाल बाद#Mayank #mayankagarwal #INDvsSL #INDvSL #RohitSharma? @kreedajagat pic.twitter.com/rIjNrYM4B8

— अक्षय चोरगे (Akshay Chorge) (@AkshayChorge1) March 12, 2022

भारताचं नुकसान

मयंक अग्रवाल बाद झाला तेव्हा त्याच्या खात्यात फक्त 4 धावा होत्या आणि भारताच्या धावफलकावर केवळ 10 धावा होत्या. दुसऱ्याच षटकात विकेट गमावल्याने टीम इंडिया दबावात होती. त्यानंतर 10 व्या षटकात रोहित शर्मा 15 धावांवर बाद झाला.

Runout off a no-ball. Second over…day-1. It’ll take time to digest…for Mayank. #IndvSL #CricketTwitter

— Aakash Chopra (@cricketaakash) March 12, 2022