Vaibhav Suryavanshi : वैभव सूर्यवंशीला नेमकं झालय तरी काय? प्रचंड निराश, दोन शब्दांमध्ये व्यक्त केलं आपलं दु:ख

Vaibhav Suryavanshi

15 वर्षीय आक्रमक फलंदाज वैभव सूर्यवंशीला वेस्टइंडीज विरोधातील मागच्या चारही टी20 सामन्यात प्लेइंग इलेव्हनमध्ये स्थान मिळू शकलेलं नाहीये. त्याची या मालिकेसाठी निवड तर झाली. मात्र चारही सामन्यात त्याच्यावर बेंचवर बसून राहण्याची वेळ आली. त्यानंतर आता शेवटच्या आणि निर्णयाक सामन्यामध्ये देखील त्याला संधी मिळेल याची शक्यता खूपच कमी आहे. भारत आणि वेस्टइंडीजमध्ये पाच ट्वि20 सामन्यांची मालिका सुरू आहे. ज्यामध्ये दोन सामने भारताने जिंकले आहेत, तर दोन सामने वेस्टइंडीज संघाने जिंकले आहेत. तिसऱ्या सामन्यात वेस्ट इंडिजने भारताचा पराभव केला होता. त्यामुळे आता शेवटचा सामना मालिका विजयासाठी निर्णायक ठरणार असल्यामुळे दोन्ही संघ हा सामना जिंकण्यासाठी आपली पूर्ण ताकद लावणार आहेत.

त्यामुळे वैभव सूर्यवंशीला पाचव्या आणि शेवटच्या सामन्यात देखील अंतिम आकरा खेळाडूंमध्ये स्थान मिळण्याची शक्यता खूपच कमी आहे. त्याचं दुसरं महत्त्वाचं कारण म्हणजे सध्या भारताचे ओपनर फलंदाज संजू सॅमनस आणि अभिषेक शर्मा हे धडाकेबाज कामगिरी करत आहेत. त्यामुळे शेवटच्या आणि मालिका विजयासाठी निर्णायक असलेल्या सामन्यामध्ये संजू सॅमसन किंवा अभिषेक शर्मा यांना वगळून वैभव सूर्यवंशीला संधी देण्याची रिस्क टीम मॅनेजमेंट घेण्याची शक्यता खूपच कमी आहे. त्यामुळे आता वैभव सूर्यवंशीने आपल्या मनातील दु:ख सोशल मीडियावर केलेल्या एका पोस्टच्या माध्यमातून व्यक्त केलं आहे. त्याने अवघ्या दोन शब्दांची पोस्ट केली आहे.

नेमकं काय म्हटलं वैभव सूर्यवंशीने?

सलग चार सामन्यात संघामध्ये स्थान मिळून न शकल्याने अखेर आता वैभव सूर्यवंशीचा संयम सुटल्याचं पहायला मिळत आहे. त्याने दोन शब्दांची पोस्ट करत आपल्या भावनांना वाट मोकळी करून दिली आहे. त्याने आपल्या इन्स्टाग्राम अकाउंटवर ही पोस्ट केली आहे. ‘मला अजूनही विश्वास वाटतो’ अशा शब्दात वैभव सूर्यवंशीने आपल्या भावनांना वाट मोकळी करून दिली आहे. सलग चार सामन्यांमध्ये संधी न मिळाल्याने वैभव सूर्यवंशी निराश असल्याचं त्याच्या या पोस्टवरून दिसून येत आहे.