बस्स..आता खूप झालं! प्रीति झिंटाचा पारा चढला, पंजाब किंग्जबद्दल अफवा पसरल्याने संताप अनावर

 Punjab Kings :सध्या आयपीएल 2026 चा हंगाम सुरू आहे. या हंगामात पंजाब किंग्ज या संघाने जोरदार सुरुवात केली. परंतु नंतर मात्र या संघाने सलग चार सामने गमावले. सलग चार तासांत पराभव झाल्यामुळे आता या संघाच्या कामगिरीवर अनेक प्रश्नचिन्ह उपस्थित केले जात आहेत. सोबतच या संघातील शिस्त, खेळाडूंचे आरोग्य याबाबतही अनेक दावे केले जात आहेत. असे असतानाच पंजाब किंग्ज या संघाची मालकीण असलेली अभिनेत्री प्रीति झिंटा चांगलीच भडकली आहे. आपल्या संघाबाबत वेगवेगळ्या चर्चा सुरू असल्याने जाहीर नाराजी व्यक्त करत खडे बोल सुनावले आहेत.

पंजाब किंग्ज संघाबद्दल काय सांगितले जात आहे?

पंजाब किंग्ज या संघातील शिस्त तसेच खेळाडू यांच्याबाबत अनेक दावे केले जात आहेत. या संघाचा सलामीवर प्रबसिमरन सिंह याचे एकाच आठवड्यात तब्बल 10 किलो वजन वाढल्याचा दावा केला जातोय. तसेच काही खेळाडू रात्री उशिरापर्यंत क्रिकेट खेळत राहतात. काही खेळाडू ट्रेनिक सेशनलाही अनुपस्थित राहतात. फ्लाईटही मिस करत आहेत. यामुळेच पंजाबच्या संघाची कामगिरी बिघडली आहे, असा दावा केला जातोय.

प्रीति झिंटा नेमकं काय म्हणाली?

दुसरीकडे आपल्या संघाबाबत वेगवेगळ्या अफवा पसरत असल्याने प्रीती झिंडा खूपच भडकली आहे. टीका करणे आणि चुकीची माहिती देणे यात खूप फरक असतो. खेळाच्या बाबतीत चर्चा होत असेल तर ते स्वागतार्ह आहे. परंतु एखाद्या खोट्या अफवेमुळे खेळाडूचे भविष्य धोक्यात येत असेल तर ते चुकीचे आहे. त्यामुळे अशा प्रकारे रिपोर्टिंग करताना काळजी घ्यायला हवी, असे प्रीति झिंटा म्हणाली आहे.

अशा अफवांमुळे खेळ आणि खेळाडू अशा दोघांचेही नुकसान होते, असेही मत तिने व्यक्त केले. पंजाब किंग्स संघाच्या मॅनेजमेंटनेही याबाबत संताप व्यक्त केला आहे. सध्या आमच्या खेळाडूंबद्दल वेगवेगळ्या अफवा पसरवल्या जात आहेत. खोट्या कथा रचून त्या सगळीकडे पसरवणे हे खेळभावनेच्या विरोधात आहे, असे पंजाब किंग्जने म्हटले आहे.