Sachin Tendulkar : सिराजच्या पायात स्प्रिंग असल्यासारखं वाटतं, सचिन तेंडुलकरच्या शाबासकीनंतर मोहम्मद सिराज म्हणाला…
मोहम्मद सिराजच्या पायात स्प्रिंग आहे, असं वाटत असल्याचं सचिन तेंडुलकर म्हणाला. सिराजची गोलंदाजी पाहायला आवडत असल्याचं सचिन तेंडुलकर म्हणाला
नवी दिल्ली: मास्टर ब्लास्टर सचिन तेंडुलकर यानं टीम इंडियाचा बोलर मोहम्मद सिराज याच्यावर कौतुकाचा वर्षाव केला आहे. मोहम्मद सिराजच्या पायात स्प्रिंग आहे, असं वाटत असल्याचं सचिन तेंडुलकर म्हणाला. सिराजची गोलंदाजी पाहायला आवडत असल्याचं सचिन तेंडुलकर म्हणाला. सचिन तेंडुलकर यानं कौतुक केल्यानंतर मोहम्मद सिराजनं देखील थँक्यू सचिन सर म्हणत आभार मानले आहेत.
सचिन तेंडुलकर नेमकं काय म्हणाला?
सिराजच्या पायात स्प्रिंग असल्यासारखं वाटतं. तो पूर्णपणे उर्जेने भरलेला आहे. सिराजला बॉलिंग करताना आपण जेव्हा पाहतो त्यावेळी अंदाज लावू शकत नाही की तो दिवसाची पहिली ओव्हर टाकतोय की शेवटची ओव्हर टाकतोय. सिराज हा लगेच अनेक गोष्टी आत्मसात करतो. तो परिपूर्ण वेगवान गोलंदाज आहे, असं सचिन तेंडुलकर म्हणाला.
Thank you @sachin_rt sir for this . It is a huge motivation for me coming from you .. I will always do my best for my country .stay well sir https://t.co/3qJrCBkwxm
— Mohammed Siraj (@mdsirajofficial) December 22, 2021
ऑस्ट्रेलिया विरुद्धच्या मॅचची आठवण
सचिन तेंडुलकरनं मोहम्द सिराज हा प्रत्येक वेळी नव्या गोष्टी करण्याचा प्रयत्न करत असतो. ऑस्ट्रेलि विरुद्धच्या त्याच्या पहिल्या कसोटीमध्ये त्यानं पहिल्या डावात दोन आणि दुसऱ्या डावात तीन विकेट घेत परिपक्व गोलंदाज असल्याचं दाखवून दिलं होतं. सिराज त्याच्या बॉलिंगने विरोधी खेळाडूंवर दबाव निर्माण करतो, असंही सचिन तेंडलुकर म्हणाला.
थँक्यू सचिन सर, सिराजनं मानले आभार
तुमच्याकडून मला मोठ्या प्रमाणात प्रेरणा आणि मार्गदर्शन मिळतं. थँक्स सचिन सर असं म्हणत मोहम्मद सिराजनं सचिन तेंडलकर विषयी आदर आणि कृतज्ञता व्यक्त केली आहे. माझ्या देशासाठी जे काही सर्वोत्तम देता येईल ते देणार असल्याचं मोहम्मद सिराजनं म्हटलं. तब्येतीची काळजी घ्या, असं देखील मोहम्मद सिराज म्हणाला.
सिराज सध्या आफ्रिकेच्या दौऱ्यावर
मोहम्मद सिराज हा सध्य टीम इंडियासोबत दक्षिण आफ्रिकेच्या दौऱ्यावर आहे. भारत आणि दक्षिण आफ्रिका यांच्यातील तीन सामन्यांच्या कसोटी मालिकेला 26 डिसेंबरपासून सुरुवात होणार आहे.
इतर बातम्या:
IPL 2022 Mega Auction: लिलावाची तारीख ठरली, बंगळुरुत ‘या’ दिवशी जमणार संघ मालक
IPL 2022: ब्रायन लारा आणि डेल स्टेनने IPL मधील ‘या’ संघाच्या प्रशिक्षकपदाची स्वीकारली जबाबदारी
sachin tendulkar appreciate mohammed siraj then siraj also said thanks to Master Blaster